पश्चिम रेल्वेवर रविवारी भाईंदर ते वसई रोड स्थानकांदरम्यान 4 तासांचा मेगा ब्लॉक; 16 ऑक्टोबर 2020 च्या ताज्या मराठी बातम्या आणि ब्रेकिंग न्यूज LIVE

पश्चिम रेल्वेवर रविवारी भाईंदर ते वसई रोड स्थानकांदरम्यान 4 तासांचा मेगा ब्लॉक असणार आहे. ट्विट-

कोलकाता नाइट राईडर्सच्या विरोधात खेळवण्यात आलेल्या आयपीएलच्या सामन्यात मुंबई इंडियन्सचा विजय झाला आहे.

केरळ मधील शबरीमाला मंदिराचे दरवाजे आजपासून पुढील पाच दिवसांसाठी खुले राहणार  आहे.

पश्चिम बंगाल येथे आज 3 हजार 771 नव्या कोरोनाबाधितांची नोंद झाली आहे. ज्यामुळे राज्यातील कोरोनाबाधितांची संख्या 3 लाख 13 हजार 188 वर पोहचली आहे. ट्विट-

आयपीएलच्या तेराव्या हंगामातील 32 व्या सामन्यात कोलकाता नाईट राईडर्सने  मुंबई इंडियन्सच्या संघासमोर 149 धावांचे आव्हान ठेवले आहे. ट्वीट- 

राजस्थानमधील बयाना, विअर, भुसावर आणि रूपवास आणि भरतपूर जिल्ह्यात आज मध्यरात्रीपासून 17 ऑक्टोबरपर्यंत इंटरनेट सेवा बंद राहणार आहे. ट्वीट-

हिवाळ्यामुळे आणि सणांमुळे पुढील अडीच महिने कोरोनाव्हायरस विरूद्ध लढण्यासाठी अत्यंत महत्वाचे असल्याचे केद्रींय मंत्री  हर्षवर्धन यांनी म्हटलं आहे.

मध्य प्रदेशात आज 1,352 नवे कोरोना बाधित रुग्ण आढळून आले असून  25 जणांचा मृत्यू झाला आहे.

मुंबईमध्ये गेल्या 24 तासात 1,823 नवे कोरोना रुग्ण सापडले असून 1,644 जणांना डिस्चार्ड देण्यात आला आहे. याशिवाय दिवसभरात 37 जणांचा मृत्यू झाला आहे. त्यामुळे शहरातील एकूण कोरोनाग्रस्तांची संख्या  2,38,548 इतकी झाली आहे.

भारताने ओडिशाच्या बालासोरच्या किना-यावर 250 कि.मी.हून अधिक पल्ल्याच्या पृथ्वी -2 बॅलिस्टिक क्षेपणास्त्राची यशस्वी चाचणी केली.

महाराष्ट्रात आज 11,447 नवे कोरोना बाधित आढळून आले असून 306 जणांचा मृत्यू झाला आहे. याशिवाय 13,885 जणांना डिस्चार्ज देण्यात आला आहे.

उत्तराखंडमध्ये आज 549 नवे कोरोना रुग्ण आढळून आले आहेत.

ओडिशाच्या रायगड जिल्ह्यात झालेल्या स्फोटात तीन जण ठार, सहा जखमी झाले आहेत.

अबूधाबीच्या शेख जाएद स्टेडियमवर मुंबई कोलकाता नाईट रायडर्सने नाणेफेक जिंकून प्रथम मुंबईकरांविरुद्ध फलंदाजीचा निर्णय घेतला.

दिल्ली: प्रलंबित पगार द्यावा, यासाठी कस्तुरबा गांधी रुग्णालयाचे निवासी डॉक्टरांनी जंतर-मंतर येथे निषेध नोंदवला आहे.

लोक जनशक्ती पार्टीने आगामी बिहार निवडणुकांसाठी दुसर्‍या टप्प्यातील 26 उमेदवारांची यादी जाहीर केली आहे.

मुंबईतील महिला चाकरमान्यासाठी उद्यापासून लोकलसेवा चालू होणार होणार आहे. महिलांना सकाळी 11 ते 3 व सायंकाळी 7 नंतर लोकलने प्रवास करण्याची परवानगी देण्यात आली आहे.

NEET Result 2020: नीट यूजी परीक्षेचा निकाल जाहीर झाला आहे. हा निकाल अधिकृत संकेतस्थळावर म्हणजेच ntaneet.nic.in किंवा mcc.nic.in वर पाहता येणार आहे.

पश्चिम बंगालः आसनसोलमधील विविध ठिकाणी दुर्गापूजेची तयारी सुरू करण्यात आली आहे.

यंदाच्या नीट परीक्षेचा निकाल थोड्याच वेळात जाहीर केला जाईल दरम्यान काही वेळापूर्वीच नीट परीक्षेची Final answer key जारी करण्यात आली आहे. तर निकाल  विद्यार्थी ntaneet.nic.in किंवा nta.ac.in वर पाहू शकतील.