गोव्यात कोरोना व्हायरसच्या आणखी 9 रुग्णांची नोंद, राज्यात एकूण 29 प्रकरणांची नोंद;17 मे 2020 च्या ताज्या मराठी बातम्या आणि ब्रेकिंग न्यूज LIVE

गोव्यात कोरोना व्हायरसच्या आणखी 9 रुग्णांची नोंद, अशाप्रकारे राज्यात एकूण 29 प्रकरणांची नोंद झाली आहे. यामध्ये सध्या एकूण 22 सक्रीय रुग्ण असून, 7 जण रिकव्हर झाले आहेत.

महाराष्ट्रातील ठाणे जिल्ह्यातील कोविड 19 च्या मृतांचा आकडा आजच्या 9 मृत्युंसह 114 वर पोहोचला. ठाणे शहरातील 88 आणि नवी मुंबईतील 62 रुग्णांसह आज 252 नवीन प्रकरणांची नोंद झाली. यासह एकूण रुग्णांची संख्या 3,684 अशी झाली आहे.

पुण्यात आज दिवसभरात 201 कोरोना संक्रमित रुग्णांची भर, तर 53 रुग्ण कोरोनामुक्त.आज एकूण 9 जणांचा मृत्यू झाला आहे.

देशांतर्गत प्रवासी उड्डाण संचालनावर आणि आंतरराष्ट्रीय व्यापारी प्रवासी सेवांवरील बंदी 31 मे 2020 पर्यंत वाढविण्यात आली आहे. नागरी उड्डाण संचालक (DGCA) यांनी याबाबत माहिती दिली.

नेपाळ सरकार कोरोना व्हायरसचे प्रवक्ते डॉ. युवराज खतिवडा यांनी दिलेल्या माहितीनुसार, 2 जूनपर्यंत नेपाळमध्ये लॉकडाउन वाढविण्यात आला आहे.

कोरोना विषाणूने महाराष्ट्रासह संपूर्ण देशात थैमान घातला आहे. महाराष्ट्रात सर्वाधिक कोरोनाबाधित मुंबईत आढळून आले आहेत. मुंबईत करोनाबाधितांच्या संख्येने  20 हजारांचा आकडा ओलांडला आहे. यामुळे नागरिकांमध्ये भितीजनक वातावरण निर्माण झाले आहे. एएनआयचे ट्वीट- 

कोरोना विषाणूने संपूर्ण महाराष्ट्रात हाहाकार माजवला आहे. राज्यात दिवसभरात तब्बल 2 हजार 347 रुग्णांची भर पडली आहे. तर, 63 जणांचा मृत्यू झाला आहे. एएनआयचे ट्वीट- 

मुंबई येथील धारावी परिसरात कोरोना विषाणूचे जाळे मोठ्या वेगाने पसरत चालले आहे. धारावीत आज 44 नवे कोरोना रुग्ण आढळून आले आहेत. त्यामुळे धारावीतील कोरोना रुग्णांची संख्या 1 हजार 242 वर पोहोचली आहे. तर, कोरोनाबळींची संख्या 56 वर पोहचली आहे. एएनआयचे ट्वीट- 

कोरोना विषाणूच्या पार्श्वभूमीवर जेष्ठ नागरिक, आजारी व्यक्ती, गर्भवती महिला, 10 वर्षाखालील मुलांनी गरज नसल्यास बाहेर पडू नये, असे आवाहन केंद्रीय गृह मंत्रालयाने दिले आहे. एएनआयचे ट्वीट-

कोरोना विषाणूचा वाढता प्रादुर्भाव पाहता देशात चित्रपटगृहे, शॉपिंग मॉल्स, व्यायामशाळा, जलतरण तलाव, बार आणि सभागृह, 31 मेपर्यंत देशभरात बंद राहणार असल्याची माहिती समोर आली आहे. एएनआयचे ट्वीट- 

कोरोना विषाणूवर नियंत्रण मिळवण्यासाठी केंद्रीय गृह मंत्रालयाने मार्गदर्शक सूचना जारी केली आहे. एएनआयचे ट्विट- 

कोरोना विषाणूच्या संसर्गाच्या पार्श्वभूमीवर राष्ट्रीय आपत्ती व्यवस्थापन प्राधिकरणाने भारत सरकारची मंत्रालये/विभाग, राज्य सरकारे व राज्य अधिकारी यांना, 31 मे 2020 पर्यंत राष्ट्रव्यापी लॉकडाऊनच्या नियमांचे पालन करणे चालू ठेवण्यास सांगितले आहे. 

गडचिरोलीत नक्षलवाद्यांचा गोळीबारात शहीद झालेल्या पोलीसांना गृहमंत्री अनिल देशमुख यांनी वाहली श्रद्धांजलीगडचिरोली जिल्ह्यातील कियरकोटीच्या जंगलात नक्षलवाद्यांविरोधात सुरू असलेल्या शोधमोहीमेवर नक्षलवाद्यांनी केलेल्या गोळीबारात पोलीस उपनिरीक्षक धनाजी व्हनमाने आणि जवान किशोर आत्राम यांना वीरमरण आले. दोघांनाही गृहमंत्री अनिल देशमुख यांनी श्रद्धांजली वाहली. ट्वीट- 

एअर इंडियाचे उड्डाण बुकिंग सध्या बंद आहे आणि भारत सरकारकडून निर्देश मिळाल्यानंतर पुन्हा सुरू होईल असे सांगत एअर इंडियाचे देशांतर्गत उड्डाणे पुन्हा सुरु झाल्याच्या बातम्यांबाबत कंपनीने स्पष्टीकरण दिले आहे.

भामरागड येथील पोयरकोठी-कोपर्शी जंगला नक्षलवाद्यांशी झालेल्या चकमकीत 2 सुरक्षा रक्षकांचा मृत्यू तर 3 जण जखमी झाल्याची माहिती महाराष्ट्र पोलिसांनी दिली आहे.

वंदे भारत मिशन अंतर्गत ओमान हून 103 भारतीयांना तिरुअनंतपुरमला घेऊन येणा-या एअर इंडिया एक्सप्रेसच्या विशेष विमानाने उड्डाण केले आहे.

महाराष्ट्रापाठोपाठ तमिळनाडूतही लॉकडाऊन 31 मे पर्यंत वाढवले असल्याची घोषणा तमिळनाडू सरकारने केली आहे. 

राजस्थान येथे आणखी 123 कोरोनाबाधित रुग्ण आढळून आल्याने आकडा 1963 वर पोहचला आहे.

महामार्गावरुन  प्रवास करताना गाडीवर FASTag नसल्यास, वॅलिडिटी संपली किंवा कार्यरत नसल्यास टोल प्लाझावर दुप्पट टोल वसूली करण्यात येणार असल्याचे स्पष्ट करण्यात आले आहे.

देहरादून येथे कोरोनाबाधितांचा आकडा 92 वर पोहचला असून आज नवा एक कोरोनाग्रस्त रुग्ण आढळून आला आहे.तर 52 जणांची आतापर्यंत प्रकृती सुधारली आहे.