भवानी पेठेत एकाच इमारतीत 48 जणांना कोरोनाची बाधा; 16 मे 2020 च्या ताज्या मराठी बातम्या आणि ब्रेकिंग न्यूज LIVE

भवानी पेठेतील एका राहिवासी इमारतीमधील ४८ जणांना कोरोनाची बाधा झाली आहे. या संपूर्ण इमारतीत ५८४ जणांचे स्त्राव नमुने घेतले असून पैकी १३१ जणांचे अहवाल प्राप्त त्यात ४८ जणांना लागण झालेली आहे.

गेवराई तालुक्यातील 4 गावे व बीड तालुक्यातील 3 गावे containment zone तसेच गेवराई तालुक्यातील  7 गावे व बीड तालुक्यातील 6 गावे buffer zone म्हणून घोषित.

दिवसभरात राज्यातील ८२६८ ग्राहकांना घरपोच मद्यविक्री. अवैध मद्य विक्री व वाहतूक रोखण्यासाठी केलेल्या धडक कारवाईत आतापर्यंत ५६०८ गुन्ह्यांची नोंद, २५२० आरोपींना अटक तर १५ कोटी १७ लाखांचा मुद्देमाल जप्त- उत्पादन शुल्क आयुक्त कांतीलाल उमाप

दुबईहून 181 प्रवाशांना घेऊन एअर इंडिया एक्स्प्रेसचे विमान कोचीन आंतरराष्ट्रीय विमानतळावर दाखल झाले आहे.

काही दिवसांपूर्वी वूहान येथे कोरोना विषाणू सकारात्मक रुग्ण आढळल्यानंतर आता चीन, कोविड-19 साठी दररोज 1.5 दशलक्ष Nucleic Acid Tests करण्याच्या तयारीत असल्याची माहिती अधिकाऱ्यांनी दिली आहे.

पुण्यात आज 11 जणांचा कोरोनामुळे मृत्यू झाला आहे. आतापर्यंत पुण्यात 197 जणांचा कोरोनामुळे बळी गेला आहे.

महाराष्ट्रात आज दिवसभरात 1606 नव्या कोरोना रुग्णांची भर पडली असून 67 जणांचा कोरोनामुळे मृत्यू झाला आहे. त्यामुळे राज्यातील कोरोना बाधित रुग्णांची संख्या 30706 वर पोहोचली आहे. यातील 22479 जणांवर सध्या उपचार सुरू आहेत.

पुणे शहरात आज दिवसभरात नव्याने २०२ कोरोनाबाधित रुग्ण आढळले असून एका दिवसातील ही सर्वाधिक संख्या आहे. यात खासगी रुग्णालये ९९, नायडू-महापालिका रुग्णालये ९६ आणि ससूनमधील ७ रुग्णांचा समावेश आहे.

मुंबईत 18 हजार 396 कोरोनाबाधित रुग्ण झाले आहेत. दिवसभरात 884 नव्या रुग्णांची भर पडली आहे. तर, गेल्या 24 तासात 238 जणांनी कोरोनावर मात केली आहे. एएनआयचे ट्वीट-

महाराष्ट्रात कोरोना विषाणूचे संकट गडद होत असल्याचे चिन्ह दिसू लागली आहेत. कोरोना विषाणूवर मात करण्यासाठी डॉक्टर, आरोग्य कर्मचारी आणि पोलीस आपल्या जीवाची बाजी लावून कर्तृव्य बजावत आहे. दरम्यान, कोरोना विषाणूशी लढत असताना पोलीस निरीक्षक अमोल हनुमंत कुलकर्णी यांचा मृत्यू झाला आहे. यातच महाराष्ट्राचे गृहमंत्री अनिल देशमुख यांनी धारावीतील शाहूनगर पोलीस ठाण्याला  भेट देऊन अमोल कुलकर्णी यांच्या प्रतिमेस पुष्पहार अर्पण करून श्रद्धांजली वाहली आहे. एएनआयचे ट्वीट- 

कोरोनामुळे मुंबई शहरात दिवसेंदिवस मृतांच्या संख्येत वाढ होत असताना दादर, माहीम, धारावी येथे आज एकाही मृत्यूची नोंद नाही, अशी माहिती एनएनआय वृत्त संस्थेने दिली आहे. एएनआयचे ट्विट- 

दिल्ली  येथे कॉंग्रेस नेते राहुल गांधी यांनी आज सुखदेव विहार उड्डाणपुलावर आपपल्या घरी परतणाऱ्यासाठी इच्छुक असलेल्या स्थलांतरित कामगारांशी संवाद साधला आहे. एएनआयचे ट्वीट- 

जम्मू-काश्मीर: कुलगाम जिल्ह्यातील फ्रिसल भागात दहशतवाद्यांकडून भ्याड हल्ला करण्यात आला आहे. या हल्ल्यात एक पोलीस कर्मचारी जखमी झाला आहे.  एएनआयचे ट्वीट- 

विमान क्षेत्राच्या विकासासाठी 3 मोठे निर्णय घेण्यात आले आहेत. देशातील 6 विमानतळांचा विकास करणार असून विकासासाठी पीपीपी मॉडलिंगचा वापर केला जाणार आहे. विमान क्षेत्राचा विकास केल्यास 1 हजार कोटींची बचत होऊ शकते.

संरक्षण क्षेत्र आत्मनिर्भर करण्यासाटी 'मेक इन इंडिया' आवश्यक असून काही शस्त्रात्रांचा आयातीवर निर्बंध घालण्यात येणार आहेत. त्यामुळे संरक्षण क्षेत्रात आत्मनिर्भरता येण्यास मदत होईल. संरक्षण क्षेत्रातील विदेशी गुंतवणूक 49% वरुन 74% वर करण्यात आली आहे.

कोळसा, मिनरल्स, संरक्षण  उत्पादन, अवकाश  क्षेत्र, नागरी उड्डाण, ऊर्जा वितरण , ऑटोमिक ऊर्जा या क्षेत्रांसाठी आज मोठ्या घोषणा होणार आहेत.

कोळसा उत्पादन वाढीवर भर देणार असून त्यासाठी 50 हजार कोटींची तरतूद करण्यात आली आहे. अशी माहिती अर्थमंत्री निर्मला सीतारमण यांनी दिली आहे. तसंच खाजगी कंपन्यांनाही कोळसा उत्पादनाची मुभा देण्यात आली आहे.

आत्मनिर्भर भारत आर्थिक पॅकेज अंतर्गत आज 8 क्षेत्राबाबत घोषणा होणार असल्याचे अर्थमंत्री निर्मला सीतारमण यांनी सांगितले, 

कोरोना व्हायरस लॉकडाऊनमुळे सर्व क्षेत्रात आव्हानात्मक परिस्थिती निर्माण झाली असून त्यात सुधारणा करण्यावर पंतप्रधान नरेंद्र मोदी यांचा प्रयत्न आहे. त्यामुळे गुंतवणूक वाढवून रोजगार निर्माण करण्यावर भर दिला जाणार आहे. बँकींग क्षेत्रात अधिक सुधारणा करायच्या आहेत. असे अर्थमंत्री निर्मला सीतारमण यांनी सांगितले.

कठीण परिस्थितीचा सामना करताना आत्मनिर्भर पॅकेजद्वारे भारताला सक्षम बनवायचे असल्याचे अर्थमंत्री निर्मला सीतारमण यांनी सांगितले.