नाट्यपरिषद अध्यक्ष प्रसाद कांबळी यांच्यावर नियामक मंडळाच्या सभेत अविश्वास ठराव; 13 जानेवारी 2021 च्या ताज्या मराठी बातम्या आणि ब्रेकिंग न्यूज LIVE

नाट्यपरिषद अध्यक्ष प्रसाद कांबळी यांच्यावर नियामक मंडळाच्या सभेत  अविश्वास ठराव मांडण्यात आला. त्यामुळे प्रसाद कांबळी यांना येत्या 15 दिवसांत बहुमत सिद्ध करावे लागणार आहे. त्यासाठी विशेष नियामक सभा बोलवावी लागणार आहे.

व्याभिचारास (Adultery) गुन्ह्याच्या कक्षेतून बाहेर काढण्याबाबतचा सर्वोच्च न्यायालयाचा (Supreme Court)  निर्णय सशस्त्र दलात (Armed Forces)  लागू होऊ नये यासाठी केंद्र सरकारने दाखल केलेल्या अर्जावर न्यायालायने बुधवारी (13 जानेवारी) नोटीस जारी केले. न्यायमूर्ती आरएफ नरिमन, न्यायमूर्ती नवीन सिन्हा आणि न्यायमूर्ती के एम जोसेफ यांच्या खंडपीठाने या अर्जावर दाखल मूळ जनहित याचिकार्ते आणि इतरांना नोटीस जारी केले.

वाहनांच्या दोन्ही बाजूला आरसे नसतील तर वाहनचालक दंडास पात्र ठरणार आहेत. पुणे वाहतूक पोलिसांनी याबाबत ठोस भूमिका घेऊन कारवाईस सुरुवात केली आहे.

जळगाव जिल्ह्याच्या भुसावळ तालुक्यातील उर्ध्व तापी टप्पा -१ (हतनूर प्रकल्प) (५३६.०१ कोटी), शेळगाव बॅरेज मध्यम प्रकल्प (९६८.९७ कोटी) आणि वरणगाव तळवेल परिसर सिंचन योजना (८६१.११ कोटी) या प्रकल्पांना सुधारित प्रशासकीय मान्यता.

मुंबई पोलिसांमुळे मायलेकरांची पुन्हा एकदा भेट झाली आहे. गितांजली राव यांचा हलवलेला मुलगा सापला आहे. या कामगिरीबद्दल राव यांनी मुंबई पोलिसांचे आभार मानले आहेत. आपल्या ट्विटर हँडलवरुन राव यांनी म्हटले आहे की, एपीआय पवनकुमार भोये, श्री उमेश शेलार आणि विमानतळ पोलिस स्टेशनच्या संपूर्ण टीमला माझ्याकडून आभार. माझा हरवलेला मुलगा या सर्वांमुळे सापडला त्याबद्दल लक्ष लक्ष आभार.

ग्रामपंचायत निवडणूक म्हणजे एकेका मतांचा खेळ. त्यामुळे प्रत्येक मतदान महत्त्वाचं. असे असताना कोरोना व्हायरस संकटामुळे तर आणखीणच बिकट स्थिती. अशा स्थितीत तुम्ही जर कोरोना व्हायरस संक्रमित असाल तरी घाबरुन जायचं कारण नाही. तुम्हाला अटी आणि शर्थींचे पालन करत मतदान करता येणार आहे. राज्य निवडणूक आयुक्त यू. पी. एस. मदान यांनी ही महत्त्वाची माहिती दिली आहे.

नारकॉटिक्स कन्ट्रोल ब्युरोने (एनसीबी) कारवाई करत समीर खान यांना अटक केली आहे. समीर खान हे राज्याचे कौशल्य विकास मंत्री नबाब मलिक यांचे जावई आहेत.

दोन मुलांचे लैंगिक शोषण केल्याप्रकरणी भाजपच्या ब्लॉक स्तरीय पदाधिकाऱ्यास उत्तर प्रदेश पोलिसांनी अटक केले आहे. ही घटना जालौन य़ेथे घडली.

संघाचे प्रमुख मोहन भागवत हे दोन दिवसांच्या तामिळनाडूच्या दौर्‍यावर आहेत. ते 14 जानेवारी 2021 रोजी चेन्नईच्या मूलकडाईजवळील सामुदायिक पोंगल समारंभात भाग घेतील.

महागाई लक्षात घेऊन बालगृहे, निरीक्षण गृहे, खुली निवारागृहे आणि विशेष दत्तक संस्था यामधील प्रत्येक बालकांसाठी प्रतिमहा २ हजार रुपये याप्रमाणे लागू असणाऱ्या परिपोषण अनुदानाच्या दरात वार्षिक 8 टक्के वाढ करण्यास व ती 2021-22 या आर्थिक वर्षापासून लागू करण्याचा निर्णय मंत्रिमंडळाच्या बैठकीमध्ये घेतला गेला.

कोलकाताच्या बागबाजार भागात आग लागल्याने 24 टेंडर दाखल. काही ठिकाणी वाहनांची तोडफोड.

भारतीय वायूसेनेत 83 तेजस फायटर जेट्स दाखल होणार आहेत.

महाराष्ट्रात कोरोनाचे आणखी 3556 रुग्ण आढळल्याने आकडा 19,78,044 वर पोहचला आहे.

Capitol assault प्रकरणी डोनाल्ड ट्रंम्प यांच्या विरोधातील महाभियोगाच्या प्रस्तावासाठी  मतदान होणार आहे.

कोलकाता मधील भागबाजार परिसरात भीषण आग लागल्याची घटना घडली असून घटनास्थळी 10 अग्निशमन दलाच्या गाड्या दाखल झाल्या आहेत.

गुजरात येथे कोरोनाचे आणखी 583 रुग्ण आढळल्याने आकडा 2,53,744 वर पोहचला आहे.

तिरुवनंथपुरम येथे आंतरराष्ट्रीय विमानतळावर कोरोना व्हायरसच्या लसीची पहिली बॅच दाखल झाली आहे.

राजस्थान मध्ये विषारी दारु प्यायल्याने चार जणांचा मृत्यू तर चार जण आजारी पडले आहेत.

नॉर्थ-नॉर्थइस्ट नोएडा येथे 2.9 रिश्टर स्केलच्या भुकंपाचे धक्के जाणवले आहेत.

लोहरी निमित्त गाझिपूर सीमेवरील आंदोलक शेतकऱ्यांनी कृषी बिलाच्या प्रती जाळल्या आहेत.