ताजिकिस्तान मध्येही रात्री 10.31 च्या सुमारास जाणवले भूकंपाचे धक्के ; 12 फेब्रुवारीच्या ताज्या मराठी बातम्या आणि ब्रेकिंग न्यूज LIVE

ताजिकिस्तान मध्येही रात्री 10.31 च्या सुमारास भूकंपाचे धक्के जाणवले. 6.3 रिश्टेर स्केल इतकी भूकंपाची तीव्रता होती.

अमृतसर मध्ये रात्री 10.34 च्या सुमारास भूकंपाचे धक्के बसले. 6.1 रिश्टेर स्केल तीव्रता होती.

जम्मूसह दिल्ली, उत्तराखंड, नोएडा मध्ये भूकंपाचे धक्के जाणवले.

जम्मू च्या काही भागात भूकंपाचे धक्के जाणवले

पंतप्रधान नरेंद्र मोदींनी आंध्र प्रदेशातील विशाखापट्टणम येथे झालेल्या दुर्घटनेत प्राण गमावलेल्यांच्या कुटूंबियांबद्दल ट्विटच्या माध्यमातून शोक व्यक्त केला आणि जखमींसाठी प्रार्थना केली.

पुण्यात आज दिवसभरात कोरोनाचे नवे 258 रुग्ण आढळले आहेत. पुणे शहरातील एकूण संख्या आता  1, 94, 309 इतकी झाली आहे. शहरातील 350 कोरोनाबाधितांना आज डिस्चार्ज देण्यात आला असून, शहरातील एकूण डिस्चार्ज संख्या 1, 87, 995 झाली आहे.

तामिळनाडू: विरुधुनगरमधील फटाक्यांच्या कारखान्यात लागलेल्या आगीतील मृतांचा आकडा 16 वर पोहोचला आहे. सध्या 33 लोकांना रुग्णालयात दाखल केले आहे.

आँध्र प्रदेशात पर्यटकांची बस दरीत कोसळून 4 जणांचा मृत्यू झाल्याची शक्यता व्यक्त केली जात आहे.

पेट्रोल आणि डिझेलच्या किंमती आज मध्यरात्रीपासून 5 रुपयांनी कमी होणार असल्याची आसामचे अर्थमंत्री हिमंता शर्मा यांनी माहिती दिली आहे.

लोकसभेत Arbitration & Conciliation (Amendment) Bill, 2021 पास झाले आहे.

नोएडा, ग्रेटर नोएडा, गुडगाव आणि फरिदाबाद येथील हवेची गुणवत्ता खालावली गेली आहे.

देशातील 77,66,319 जणांना आतापर्यंत कोरोनाची लस दिल्याची आरोग्य मंत्रालयाने माहिती दिली आहे.

तमिळनाडू येथे कोरोनाचे आणखी 483 रुग्ण आढळले असून 6 जणांचा बळी  गेला आहे.

लोकसभेचे कामकाज शनिवारी दुपारी 4 ऐवजी सकाळी 10 वाजता पार पाडले जाणार असे ओम बिर्ला यांनी म्हटले आहे.

जगभरात 229.7 लाख लसीचे डोस पाठवण्यात आल्याची माहिती अनुराग श्रीवास्तव यांनी म्हटले आहे.

टीएमसी पक्षातील राज्यसभेचे खासदार दिनेश त्रिवेदी यांनी एम वैकंय्या नायडू यांच्याकडे  पदाचा राजीनामा सोपवला आहे.

दिल्लीत कोरोनाचे आणखी 141 रुग्ण आढळले असून गेल्या 24 तासात 3 जणांचा बळी  गेला आहे.

तमिळनाडू मधील फटाक्यांच्या फॅक्ट्ररीत आग लागल्याच्या दुर्घटनेतील मृतांच्या परिवाला 2 लाखांची तर जखमींना 50 हजारांची आर्थिक मदत करण्याची पंतप्रधानांनी घोषणा केली आहे.

भारतीय किसान युनियनचे नेते राकेश टिकैत हे शेतकऱ्यांच्या सात विविध ठिकाणी पार पडणाऱ्या बैठकीला उपस्थितीत राहणार आहेत.

केंद्राला शेतीविषयक कायदे मागे घ्यावे लागतील, अन्यथा शेतकरी पंतप्रधानांना आपले सामर्थ्य दाखवतील, असं काँग्रेस नेते राहुल गांधी यांनी गंगानगर येथील मेळाव्यात म्हटलं आहे.