राज्यातील सर्व विद्यापीठांनी 13 ऑगस्ट अवयवदान दिन म्हणून साजरा करावा- राज्यपाल कोश्यारी; 12 ऑगस्ट 2020 च्या ताज्या मराठी बातम्या आणि ब्रेकिंग न्यूज LIVE

राज्यातील सर्व विद्यापीठांनी 13 ऑगस्ट हा अवयवदान दिन म्हणून साजरा करावा. त्यासाठी 13 ते 20 ऑगस्ट या दरम्यान जनजागृती सप्ताह आयोजित करण्यात यावा अशा सूचना राज्यपाल भगत सिंह कोश्यारी यांनी केल्या आहेत.

पश्चिम बंगालच्या मालदा जिल्ह्यातील जंगलात तृणमूल नेत्याच्या मुलाचा मृतदेह सापडला आहे. दहा वर्षांच्या या मुलाचे अपहरण करण्यात आले होते. तसेच 50 लाख रुपयांची खंडणीही मागण्यात आली होती, अशी माहिती पोलिसांनी दिली आहे.

नेपाळमध्ये सुरु असलेल्या प्रकल्पांबाबत नेपाळ आणि भारत या दोन्ही देशांमध्ये येत्या 17 ऑगस्ट रोजी संवाद होणार आहे.नेपाळचे भारतीय राजदूत विनय मोहन क्वात्र हे नेपाळचे परराष्ट्र सचिव शंकर दास बैरागी यांच्याशी चर्चा करणार आहेत. एएनआय या वृत्तसंस्थेने सूत्रांच्या हवाल्याने हे वृत्त दिले आहे.

वैद्यकीय, दंत महाविद्यालयात कार्यरत निवासी डॉक्टरांच्या विद्या वेतनात दरमहा 10 हजार रुपयांची वाढ करण्याचा निर्यण राज्य सरकारने घेतला आहे. राज्य सरकारच्या या निर्णयाबाबत महाराष्ट्र निवासी डॉक्टर राज्यव्यापी संघटना म्हणजेच सेंट्रल मार्ड संघटनेचे अध्यक्ष डॉ. राहुल वाघ यांनी वैद्यकीय शिक्षणमंत्री अमित देशमुख यांचे अभार मानले आहेत.

बिहारमध्ये आलेल्या महापुराचा आणखी 2.16 लाख नागरिकांना फटका बसला आहे. त्यामुळे देगलूसह 16 जिल्ह्यांमधील सुमारे 77,18,788 नागरिक पूरग्रस्त झाले आहेत, अशी माहिती आपत्ती व्यवस्थापन विभागाने दिली आहे.

आंध्र प्रदेशच्या विजयनगरम जिल्ह्यातील व्यंकटपुरम गावाजवळील वनक्षेत्रात आज एक हत्ती मृत सापडला. फॉरेस्ट रेंजरने सांगितले की, हत्तीच्या शवविच्छेदन अहवालाची प्रतीक्षा आहे. हा हत्ती सहा हत्तींच्या कळपातील एक होता.

महाराष्ट्रात कोरोना विषाणू चाचण्यांचे दर कमी झाल्याची माहिती आरोग्यमंत्री राजेश टोपे यांनी दिली. आता सॅम्पल घेऊन त्याची वाहतूक आणि रिपोर्टिंगसाठी 2200 रुपयांऐवजी 1900 रुपये, तर स्वॅब कलेक्शन सेंटर, कोरोना केअर सेंटर्स, क्वारंटाईन सेंटर येथून स्वॅब घेतल्यास 2500 रुपयांऐवजी 2200 आणि रुग्णाच्या घरी जाऊन स्वॅब घेतल्यास 2500 रुपये असे दर राहणार आहेत.

बुलंदशहर रस्ता अपघातात मृत्यू झालेल्या सुदिक्षा भाटी हिच्या कुटुंबीयांना 1 कोटी रुपयांची मदत करा अशी मागणी आम आदमी पक्ष आणि समाजवादी पक्षाने उत्तर प्रदेश सरकारकडे केली आहे.

महाराष्ट्रात आज कोरोनाचे आणखी 12,712 रुग्ण आढळून आल्याने आकडा 5,48,313 वर पोहचला आहे.

कॉंग्रेस नेते राजीव त्यागी यांचे हृदयविकाराच्या झटक्याने निधन झाले आहे.

गोव्यात आज कोरोनाचे आणखी 480 रुग्ण आढळून आले असून 161 जणांची प्रकृती सुधारली आहे.

राष्ट्रवादीचे अध्यक्ष शरद पवार यांच्या भेटीसाठी उपमुख्यमंत्री अजित पवार आणि जलसंपदा मंत्री जयंत पाटील सिल्वर ओकला पोहोचले आहेत. 

मुंबईत बिहार मधील कोणत्याही पोलीस पदाधिकाऱ्याच्या विरोधात गुन्हा दाखल करण्यात आलेला नसल्याची माहिती मुंबई कमिशनर यांनी दिली आहे.

कर्नाटक येथे कोरोनाचे आणखी 7883 रुग्ण आढळून आले असून 7034 जणांची प्रकृती सुधारली आहे.

केंद्रीय आयुष राज्यमंत्री श्रीपाद वाय नाईक यांना कोरोनाची लागण झाली आहे.

आँध्र प्रदेशात कोरोनाचे आणखी 9597 रुग्ण आढळून आले असून 6676 जणांची प्रकृती सुधारली आहे.

मराठा आरक्षण आंदोलनात बलिदान दिलेल्या 42 व्यक्तींच्या नातेवाईकांस एसटी महामंडळात नोकरी देणार. सरकारने कबूल केलेल्या पैशांपैकी उर्वरित रक्कमही देण्याचा मंत्रिमंडळाच्या बैठकीत निर्णय घेण्यात आला आहे.

तमिळनाडू येथे कोरोनाचे आणखी 5817 रुग्ण आढळून आले असून 119 जणांचा बळी गेला आहे.

मुंबईतील धारावीत कोरोनाचे आणखी 9 रुग्ण आढळून आल्याने आकडा 2643 वर पोहचला आहे.