MP Road Accident: मध्य प्रदेशात कार आणि खासगी बसच्या धडकेत 25 वर्षीय तरुणाचा मृत्यू, 9 जण जखमी

MP Road Accident: मध्य प्रदेशातील राजगड जिल्ह्यात गुरुवारी कार आणि खासगी बसच्या धडकेत एकाचा मृत्यू झाला, तर  इतर आठ जण जखमी झाले. तलैनचे स्टेशन इन्चार्ज मेहताब सिंग ठाकूर यांनी सांगितले की, तरुण आणि त्याची बहीण परीक्षा देण्यासाठी कारने शुजालपूरला जात असताना हा अपघात झाला. ठाकूर यांनी दिलेल्या माहितीनुसार, शुजालपूर-पाचोर रस्त्यावर सकाळी साडेसातच्या सुमारास कार आणि बसची धडक झाली होती. या अपघातात एका व्यक्तीचा मृत्यू झाला असून बसमधील आठ प्रवाशांसह त्याची बहीणही जखमी झाली आहे. हेही वाचा: Latur Shocker: अवघ्या 2 गुणांमुळे पोलिस अधिकारी होण्याचे स्वप्न राहिले अपूर्ण, तरुणाने नैराश्येत केली आत्महत्या

अंकित सोनी (वय २५) असे मृत तरुणाचे नाव असून त्याच्या २० वर्षीय बहिणीला शुजालपूर येथील रुग्णालयात दाखल करण्यात आले आहे. बसमधील प्रवासी किरकोळ जखमी झाले असून, त्यांच्यावर तळेना येथील रुग्णालयात उपचार सुरू आहेत. या घटनेचा तपास सुरू असल्याची माहिती पोलिसांनी दिली.