गोव्यात सरकार स्थापनेसाठी अमित शहांच्या घरी रात्री उशिरा बैठक, जेपी नड्डा यांच्यासह अनेक नेते उपस्थित

केंद्रीय गृहमंत्री अमित शहा (Amit Shah) यांच्या दिल्लीतील (Delhi) निवासस्थानी भाजपची महत्त्वाची बैठक (BJP Meeting) पार पडली. त्यात पक्षाचे अनेक बडे नेते उपस्थित होते. भाजप अध्यक्ष जेपी नड्डा (JP Nadda) , विश्वजित राणे (Vishwajit Rane), मणिपूरचे काळजीवाहू मुख्यमंत्री एन बिरेन सिंह आणि गोव्याचे काळजीवाहू मुख्यमंत्री प्रमोद सावंत (Prmod Sawant) या बैठकीला पोहोचले. सावंत शनिवारी दुपारी दिल्लीला रवाना झाले. त्यांनी प्रथम नड्डा यांची भेट घेतली त्यानंतर शाह यांची भेट घेतली. त्याचवेळी भाजपचे प्रदेशाध्यक्ष सदानंद शेट तानावडे यांनी गोव्यातील नव्या सरकारचा शपथविधी बुधवारी होणार असल्याचे सांगितले होते. गोव्याच्या 40 सदस्यीय विधानसभेत यावेळी भाजपला 20 जागा मिळाल्या.

भाजपला चंद्रकांत शेट्टी (बिचोलिम), अलेक्सो रेजिनाल्डो लॉरेन्को (कर्टोरिम) आणि अँटोनियो वास (कोर्टालिम) या तीन अपक्ष आमदारांचा आणि एमजीपीचे दोन आमदार रामकृष्ण 'सुदिन' ढवळीकर (मार्केम) आणि जीत आरोलकर (मंद्रेम) यांचा पाठिंबा आधीच मिळाला आहे. नरेंद्र सिंह तोमर आणि सह-पर्यवेक्षक एल मुरुगन गोव्यात पोहोचतील आणि भाजप विधिमंडळ पक्षाच्या नेत्याची निवड करतील. पंतप्रधान नरेंद्र मोदी यांनी यापूर्वीच गोव्याच्या काळजीवाहू मुख्यमंत्र्यांना केंद्र सरकारच्या प्रगतीसाठी पूर्ण सहकार्य करण्याचे आश्वासन दिले आहे.

पाच राज्यांच्या विधानसभा निवडणुकीत चार राज्यांत भाजपने बाजी मारली आहे. योगी आदित्यनाथ उत्तर प्रदेशमध्ये मुख्यमंत्रीपदाची शपथ घेणार आहेत, मात्र मणिपूर, गोवा आणि उत्तराखंडबाबत परिस्थिती स्पष्ट नाही. गोव्याच्या मुख्यमंत्रिपदाच्या शर्यतीत प्रमोद सावंत पहिल्या क्रमांकावर आहेत. दुसरीकडे, मणिपूरमध्येही एन बिरेन सिंग या शर्यतीत आघाडीवर आहेत. दोघेही सध्या आपापल्या राज्यांचे काळजीवाहू मुख्यमंत्री आहेत. (हे देखील वाचा: Rahul Gandhi On Central Govt: राहुल गांधींचा केंद्र सरकारवर निशाना, आकडेवारी मांडत महागाईपासुन लोकांना वाचवण्याची गरज)

या बैठकीला गोव्याचे नेते विश्वजित राणेही उपस्थित होते. दरम्यान, काँग्रेसने सर्व पर्याय खुले असल्याचे सांगत राजकीय तापमान वाढवले ​​आहे.आमच्याकडे सर्व पर्याय खुले असल्याचे काँग्रेस नेते दिगंबर कामत यांनी म्हटले आहे. भाजपमध्ये सध्या सर्व काही ठीक चाललेले नाही. आतापर्यंत राज्यात पक्षाला सरकार बनवता आलेले नाही. भाजपला 20 हून अधिक आमदारांचा पाठिंबा असल्याच्या दाव्यावर आम्हाला शंका आहे.