New Gold Hallmark: नवीन हॉलमार्क आजपासून लागू; सोने खरेदी-विक्रीचे नियम बदलणार

New Gold Hallmark: 1 एप्रिलपासून अनेक नियम बदलले आहेत. त्यात सोन्याच्या खरेदी-विक्रीशी संबंधित नियमांचाही समावेश आहे. नव्या नियमानंतर हॉलमार्कशिवाय (Hallmark) कोणतेही दागिने बाजारात विकता येणार नाहीत. यासोबतच आजपासून सहा अंकी हॉलमार्क नियमही लागू झाला आहे. या नव्या नियमाचा लोकांवर काय परिणाम होणार आहे ते जाणून घेऊयात...

नव्या नियमानंतर कोणत्याही दुकानदाराला हॉलमार्कशिवाय सोने विकता येणार नाही. असे केल्याने त्याला दंड होऊ शकतो. हॉलमार्क हा अल्फान्यूमेरिक कोड आहे जो दागिन्यांच्या प्रत्येक तुकड्यासाठी अद्वितीय असतो. (हेही वाचा -SBI UPI Unavailable Today: स्टेट बॅंक ऑफ इंडिया ची Internet Banking, UPI सेवा, YONO वरील सेवा आज 'या' वेळेत राहणार बंद)

सर्वसामान्यांना काय फायदा होणार -

यामुळे लोकांशी घोटाळा किंवा फसवणूक होण्याची शक्यता कमी होईल. दागिन्यांमध्ये किती कॅरेट सोन्याचा समावेश आहे हे हॉलमार्कसह लिहिले जाईल. या युनिक कोडद्वारे दागिने शोधणे सोपे होईल.

नवीन हॉलमार्क -

सहा अंकी हॉलमार्क क्रमांक 2021 मध्ये सरकारने आणला होता. तेव्हापासून बाजारात जुने आणि नवे दोन्ही हॉलमार्क सुरू होते. जुन्यापेक्षा नवीन हॉलमार्क सुरक्षित असल्याने अनिवार्य करण्यात आला आहे. केवळ सोन्याच्या दागिन्यांवरच नव्हे तर सोन्याच्या बिस्किटे आणि नाण्यांसाठीही नवीन हॉलमार्क जारी केला जाईल. नवीन हॉलमार्कचा उद्देश सोन्याची सत्यता दर्शवणे आहे.

जुन्या सोन्याचे काय होणार?

जर तुमच्याकडे जुने सोने असेल तर तुम्हाला काळजी करण्याची गरज नाही. ग्राहक जुने हॉलमार्क असलेले दागिने सहज विकू शकतात, असे सरकारकडून स्पष्ट करण्यात आले आहे.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)