IRCTC New Ticket Booking Rule: रेल्वेचं तिकीट आता 4 वरून 2 महिने आधी बूक करता येणार; 1 नोव्हेंबर पासून लागू होणार नियम

भारतीय रेल्वे (IRCTC) कडून अ‍ॅडव्हान्स ट्रेन बुकिंगच्या (Advance Train Ticket Booking) कालामर्यादेमध्ये कपात करण्यात आली आहे. आता रेल्वेची तिकीटं 120 दिवसांऐवजी 60 दिवस आधी बूक करता येणार आहेत. हा नवा नियम 1 नोव्हेंबर पासून लागू करण्यात येणार आहे. दरम्यान याचा परिणाम आता आधीच तिकीट बूकिंग झालेल्या प्रवाशांच्या तिकीटावर होणार नसल्याचं सांगण्यात आलं आहे. रेल्वेने ही कालमर्यादा कमी केली असली तरीही जेथे आगाऊ आरक्षणासाठी कमी वेळ मर्यादा सध्या लागू आहे अशा काही डे टाइम एक्स्प्रेस गाड्यांच्या बाबतीत नियमांमध्ये कोणताही बदल होणार नाही.

ताज एक्स्प्रेस, गोमती एक्स्प्रेस आणि इतर सारख्या अ‍ॅडव्हान्स ट्रेन बुकिंगसाठी कमी वेळ मर्यादा असल्याने या गाड्यांमध्ये कोणताही बदल होणार नाही. आंतरराष्ट्रीय पर्यटकांसाठी, आगाऊ बुकिंगची 365 दिवसांची मर्यादा कायम आहे, असे परिपत्रकात म्हटले आहे.

दररोज 12.38 लाख तिकिटे IRCTC द्वारे बुक केली जातात. IRCTC ने अलीकडेच अनेक बदल केले आहेत, ज्यात प्रत्येक प्रवाशाला निश्चित बर्थ मिळावेत याची खात्री करण्यासाठी पुढील पाच ते सहा वर्षांत गाड्यांमधील प्रतीक्षा यादीची दीर्घकाळापासूनची समस्या दूर करण्याच्या योजनांचा समावेश आहे.

2015 मध्ये, रेल्वेने अ‍ॅडव्हान्स ट्रेन बुकिंगसाठी कालावधी वाढवला होता. 1 एप्रिल 2015 पर्यंत हा कालावधी 60 दिवसांचा होता. तेव्हा सरकारने असा युक्तिवाद केला होता की बुकिंग कालावधी 120 दिवसांपर्यंत वाढवल्याने दलालांना परावृत्त होईल कारण त्यांना जास्त रद्दीकरण शुल्क द्यावे लागेल.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)