MCLR Hike: 'या' 2 मोठ्या बँकांकडून कर्ज घेणं झालं महाग; व्याजदरात केली 20 बेसिस पॉइंट्सची वाढ
बँक ऑफ बडोदाने MCLR दर 7.50 टक्क्यांपर्यंत वाढवला आहे. हे वाढलेले दर 12 जूनपासून प्रभावी मानले जातील. तर युनियन बँक ऑफ इंडियाने एक वर्षासाठी MCLR दर 7.45 टक्क्यांवर बदलून मोठी वाढ केली आहे.
MCLR Hike: रिझर्व्ह बँकेने रेपो दरात वाढ केल्यानंतर अनेक बँकांनी व्याजदर वाढवून कर्जे महाग केली आहेत. आता या यादीत आणखी दोन मोठ्या बँकांची नावे जोडली गेली आहेत. होय, बँक ऑफ बडोदा (Bank of Baroda) आणि युनियन बँक ऑफ इंडिया (Union Bank of India) ने किरकोळ खर्च कर्जदरात 10 ते 20 बेसिस पॉइंट्सने वाढ केली आहे. म्हणजेच या बँकांकडून कर्ज घेणे आता महाग होणार आहे.
अहवालानुसार, बँक ऑफ बडोदाने MCLR दर 7.50 टक्क्यांपर्यंत वाढवला आहे, हे वाढलेले दर 12 जूनपासून प्रभावी मानले जातील. तर युनियन बँक ऑफ इंडियाने एक वर्षासाठी MCLR दर 7.45 टक्क्यांवर बदलून मोठी वाढ केली आहे. नवीन दर 11 जून 2022 पासून लागू होतील. या बदलानंतर बँक ऑफ बडोदाने एका रात्रीसाठी MCLR 6.80 टक्के, एका महिन्यासाठी 7.20 टक्के, तीन महिन्यांसाठी 7.25 टक्के, सहा महिन्यांसाठी 7.35 टक्के आणि एका वर्षासाठी 7.50 टक्के केला आहे. (हेही वाचा - 7th Pay Commission: खुशखबर! केंद्रीय कर्मचाऱ्यांचा DA मध्ये होणार 5 टक्के वाढ! जुलैपासून वाढणार कर्मचाऱ्यांचे पगार)
याशिवाय युनियन बँक ऑफ इंडियाने एका रात्रीच्या कालावधीसाठी MCLR दर 6.70 टक्के, एका महिन्यासाठी 6.85 टक्के, तीन महिन्यांसाठी 7.10 टक्के, दोन वर्षे आणि तीन वर्षांच्या कर्जावरील 7.50 टक्के इतका कमी करण्यात आला आहे. हे लक्षात घेण्यासारखे आहे की, कर्जदरात वाढ झाल्यामुळे, गृह कर्ज, वैयक्तिक कर्ज, वाहन कर्ज यासह सर्व प्रकारची कर्जे महाग होतील आणि एलसीएलआर वाढल्याने कर्जाच्या ईएमआयमध्ये वाढ होईल.
दरम्यान, पंजाब नॅशनल बँक (PNB) आणि बँक ऑफ इंडिया (BoI) ने रेपो आधारित कर्ज दर 0.50 टक्क्यांनी वाढवले आहेत. पीएनबीने कर्जावरील व्याजदर 6.9 टक्क्यांवरून 7.4 टक्के केला आहे. PNB चे वाढलेले दर 9 जून 2022 पासून लागू झाले आहेत. त्याचवेळी बँक ऑफ इंडियाने कर्जाचा व्याजदर 7.25 टक्क्यांवरून 7.75 टक्के केला आहे. BOI चे व्याजदर 8 जूनपासून लागू झाले आहेत. याशिवाय खासगी क्षेत्रातील आयसीआयसीआय बँकेनेही कर्जाच्या व्याजदरात 0.50 टक्क्यांनी वाढ केली असून बँकेचा नवा दर 8.6 टक्के झाला आहे.
एचडीएफसी बँकेने रेपो दरात वाढ होण्याच्या एक दिवस आधी आपल्या किरकोळ कर्ज दरांमध्ये 0.35 टक्के वाढ केली होती. बँकेने सर्व कालावधीसाठी कर्जाचे दर वाढवले आहेत. हे वाढलेले दर 7 जूनपासून लागू झाले आहेत. गृहकर्ज देणारी गृहनिर्माण वित्त कंपनी एचडीएफसीने व्याजदरात वाढ केली आहे. कंपनीने रिटेल प्राइम लेंडिंग रेट सुधारित केला आहे आणि तो 50 बेसिस पॉइंट्सने वाढवला आहे, जो आता 7.55 टक्के झाला आहे.
(The above story first appeared on LatestLY on Jun 13, 2022 06:06 PM IST. For more news and updates on politics, world, sports, entertainment and lifestyle, log on to our website latestly.com).
