CBSE Result Important Stats: सीबीएसई बोर्डाचा निकाल जाहीर, कसे डाऊनलोड कराल गुणपत्रक? जाणून घ्या महत्त्वाच्या गोष्टी

केंद्रीय माध्यमिक शिक्षण मंडळाने (CBSE) शुक्रवारी (12 मे) इयत्ता 12वी बोर्ड परीक्षेचा निकाल जाहीर केला. बोर्डाने आपल्या ट्विटर हँडलवरून ही माहिती दिली. निकाल अधिकृत वेबसाइट्सवर पोस्ट करण्यात आला आहे. cbseresults.nic.in आणि cbse.gov.in. या संकेतस्थळांवर आपण निकाल पाहू शकता. आपले स्कोअरकार्ड आणि महत्त्वाचे अपडेट कसे जाणून घ्यायचे, तपासायचे याविषयी विद्यार्थी, पालक, शिक्षक आणि शैक्षणीक वर्तुळातील लोक इथे जाणून घेऊ शकतात. दरम्यान, यंदा केंद्रीय माध्यमिक शिक्षण मंडळाचा निकाल 87.33 टक्के आहे, जी कोविडपूर्व कालावधीत 2019 मधील 83.40 टक्के उत्तीर्णतेपेक्षा चांगली आहे, असे बोर्डाने म्हटले आहे.

कसा पाहाल/तपासाल निकाल?

• सर्वप्रथम अधिकृत वेबसाइटवर लॉग इन करा.
• जे पेज उघडेल त्यावर विद्यार्थ्याचा रोल नंबर, प्रवेशपत्र ओळखपत्र, शाळा क्रमांक भरा.
• सबमिट बटणावर क्लिक केल्यानंतर निकाल घोषित केला जाईल
• प्रदर्शित झालेला निकाल विद्यार्थ्यांच्या सोयीसाठी डाउनलोड करता येऊ शकतो
• CBSE बोर्ड 2023 चे निकाल डिजीलॉकरवर देखील उपलब्ध असतील. मात्र, ज्यांचे सरकारी सेवेत
• खाते आहे, त्यांनी निकाल जाहीर होण्यापूर्वी ते सक्रिय करणे आवश्यक आहे. त्यासाठी विद्यार्थी आपल्या शाळेची मदत घेऊ शकतात. (हेही वाचा, विद्यार्थ्यांचे करिअर विषयक विविध प्रश्न सोडविण्यासाठी लवकरच तयार होणार संकेतस्थळाची निर्मिती; तातडीने मिळणार प्रश्नांचे समाधान)

ट्विट

Central Board of Secondary Education (CBSE) class 12 exam results announced. pic.twitter.com/E0Jwo5zdEB

— ANI (@ANI) May 12, 2023

CBSE इयत्ता 10वी बोर्ड परीक्षा 15 फेब्रुवारी ते 21 मार्च 2023 दरम्यान झाली होती, तर 12वी बोर्डाच्या परीक्षा 15 फेब्रुवारी ते 5 एप्रिल 2023 या कालावधीत झाल्या होत्या. सीबीएसईने यावर्षी 2 जानेवारी ते 14 जानेवारी दरम्यान इयत्ता 10 आणि 12 वीच्या प्रात्यक्षिक परीक्षा घेतल्या.

(The above story first appeared on LatestLY on May 12, 2023 11:26 AM IST. For more news and updates on politics, world, sports, entertainment and lifestyle, log on to our website latestly.com).