Delhi Crime: दिल्ली पोलिसांच्या आर्थिक गुन्हे शाखेने 13 जणांची फसवणूक करणाऱ्या बिल्डरला केली अटक

दिल्ली पोलिसांच्या आर्थिक गुन्हे शाखेने (EOW) माजी भारतीय क्रिकेटपटू चेतन शर्मासह (Former Indian cricketer Chetan Sharma) 13 जणांची फसवणूक करणाऱ्या बिल्डरला (Builder) अटक केली आहे. पोलिसांनी सांगितले की, आरोपींनी जास्त परतावा देण्याच्या बहाण्याने पीडितांकडून गुंतवणूक घेतली परंतु पैसे परत केले नाहीत. त्याची सध्या चौकशी सुरू आहे. EOW ला शर्माच्या कुटुंबासह एक महिला आणि इतर 12 लोकांकडून तक्रार प्राप्त झाली होती, ज्यात आरोपी आणि त्याच्या कुटुंबाने 2017 मध्ये 1.34 कोटी रुपयांची फसवणूक केल्याचा आरोप केला होता.  आरोपी समीर चावला हा त्याच्या कुटुंबासह मेहरौली (Mehrauli) येथे राहतो. त्याने कथितपणे गुंतवणूक योजना असलेल्या लोकांशी संपर्क साधला आणि त्या योजनांवर उच्च परतावा देण्याचे वचन दिले.

सुरुवातीला त्याने काही पीडितांना त्यांचा विश्वास जिंकण्यासाठी थोडी रक्कम परत केली. नंतर त्याने पैसे देणे बंद केले आणि मूळ रक्कम परत केली नाही, असे पोलिसांनी सांगितले. आरके सिंग, अतिरिक्त पोलिस आयुक्त EOW म्हणाले, आम्ही सर्व तक्रारदारांचे जबाब घेतले आणि आढळले की आरोपींनी अनेक लोकांकडून रोख आणि बँक चॅनेलद्वारे गुंतवणूक केली आहे. हेही वाचा Delhi Crime: दिल्लीमध्ये पैशासाठी अज्ञातांची तरूणांना मारहाण, एकाचा मृत्यू, चार जण अटकेत

तो लोकांना मालमत्ता आणि योजनांमध्ये गुंतवणूक करण्यास सांगत होता. आम्ही त्याला शनिवारी मेहरौली येथून अटक केली.पोलिसांनी सांगितले की, आरोपी त्याच्या शेजारी राहणाऱ्या लोकांना लक्ष्य करत होता.  याप्रकरणी त्याची पत्नी आणि भावाचीही चौकशी करण्यात येणार आहे.