Delhi Weather: दिल्लीत थंडीची लाट, किमान तापमान 7 अंश सेल्सिअसपर्यंत घसरल्याने दिल्लीकरांना भरली हुडहुडी
दिल्लीतील थंड वाऱ्यांमुळे येत्या काही दिवसांत तापमानात आणखी घसरण होण्याची शक्यता हवामान खात्याने (IMD) दिली आहे. IMD नुसार, या आठवड्यात दिल्लीचे कमाल तापमान 23 ते 24 अंश सेल्सिअसच्या दरम्यान राहू शकते. तर किमान तापमान 5 ते 7 अंश सेल्सिअसच्या आसपास राहण्याची शक्यता आहे.
Delhi Weather: राष्ट्रीय राजधानीत थंडीची लाट (Cold Wave) आल्याने धुक्याच्या थराने दिल्लीला वेढले आहे. त्यामुळे सोमवारी सकाळी किमान तापमानात घट झाली. शहरात सकाळी 7.0 अंश सेल्सिअस किमान तापमानासह थंडीचा अनुभव आला. दरम्यान, हवामान कार्यालयाने सोमवारी हलक्या पावसासह ढगाळ आकाशाचा अंदाज वर्तवला असून तापमान 24 अंश सेल्सिअस ते किमान 7 अंश सेल्सिअसपर्यंत राहण्याची शक्यता वर्तवली आहे.
दिल्लीतील थंड वाऱ्यांमुळे येत्या काही दिवसांत तापमानात आणखी घसरण होण्याची शक्यता हवामान खात्याने (IMD) दिली आहे. IMD नुसार, या आठवड्यात दिल्लीचे कमाल तापमान 23 ते 24 अंश सेल्सिअसच्या दरम्यान राहू शकते. तर किमान तापमान 5 ते 7 अंश सेल्सिअसच्या आसपास राहण्याची शक्यता आहे. (हेही वाचा -Weather Forecast Tomarrow, December 23: मुंबई, दिल्ली, चेन्नई, बेंगळुरू, हैदराबाद आणि कोलकाता येथे कसे असेल उद्याचे हवामान)
दिल्लीत धुक्याची चादर -
#WATCH | Delhi: A layer of fog engulfs the national capital as coldwave grips the city.
Visuals from Lodhi Road. pic.twitter.com/S0RjVZHo9M
— ANI (@ANI) December 23, 2024
देशातील हवामान स्थिती -
हवामान अंदाज एजन्सी स्कायमेटच्या मते, पुढील 24 तासांत आंध्र प्रदेश, उत्तर तामिळनाडू आणि दक्षिण ओडिशाच्या काही भागात हलका ते मध्यम पाऊस पडू शकतो. त्याच वेळी, रायलसीमा, दक्षिण अंतर्गत कर्नाटक, लक्षद्वीप, अंदमान आणि निकोबार बेटे, दक्षिण छत्तीसगड आणि ओडिशामध्ये हलक्या ते मध्यम पावसाची शक्यता वर्तवण्यात आली आहे. याशिवाय हरियाणा, पंजाब आणि राजस्थानच्या काही भागात थंडीची लाट येऊ शकते.
दिल्लीतील हवेची गुणवत्ता सुधारली -
दिल्लीची हवेची गुणवत्ता सोमवारी 'गंभीर' वरून 'खूप खराब' झाली. तसेच AQI 389 नोंदवला गेला. यापूर्वी, रविवारी दिल्लीचा AQI 24 तासांच्या सरासरी एअर क्वालिटी इंडेक्सने (AQI) 4 वाजता 'गंभीर' श्रेणीवर पोहोचला होता, असे केंद्रीय प्रदूषण नियंत्रण मंडळाच्या (CPCB) डेटाने दर्शविले आहे. शनिवारी, AQI 370 वर नोंदवला गेला, तो 'अत्यंत खराब' श्रेणीमध्ये होता. शून्य आणि 50 मधील AQI 'चांगले', 51 आणि 100 'समाधानकारक', 101 आणि 200 'मध्यम', 201 आणि 300 'खराब', 301 आणि 400 'अतिशय खराब' आणि 401 आणि 500 'गंभीर' मानले जातात.
(The above story first appeared on LatestLY on Jan 01, 1970 05:30 AM IST. For more news and updates on politics, world, sports, entertainment and lifestyle, log on to our website latestly.com).
