CNG Price Hike Today: PNG नंतर 12 तासात CNG च्या किमतीत वाढ; जाणून घ्या नवीन दर

CNG Price Hike Today: देशात महागाई दिवसेंदिवस वाढत आहे. यामुळे सर्वसामान्यांच्या खिशावर अतिरिक्त बोजा टाकला जात आहे. दिल्लीत पीएनजी (PNG) च्या किमती वाढल्यानंतर 12 तासांपेक्षा कमी कालावधीनंतर सीएनजी (CNG) च्या दरात वाढ करण्यात आली आहे. CNG च्या दरात प्रति किलो 2.50 रुपयांची वाढ करण्यात आली असून, त्यानंतर दिल्लीत एक किलो CNG ची किंमत 71.61 रुपयांवर पोहोचली आहे.

देशात पेट्रोल आणि डिझेलच्या दरात वाढ झाल्यानंतर आता सीएनजी आणि पीएनजीच्या दरात वाढ झाली आहे. एलपीजी म्हणून वापरला जाणारा पीएनजीही महाग झाला आहे. सरकारने आता पीएनजीच्या किमतीत 4.25 रुपयांनी वाढ केली आहे. दिल्ली-एनसीआरमध्ये पीएनजीचा पुरवठा करणाऱ्या IGL कंपनीच्या म्हणण्यानुसार, नवीन वाढ 14 एप्रिलपासून लागू झाली आहे. यासह, गौतम बुद्ध नगर जिल्ह्यात गुरुवारपासून पीएनजीची किंमत 45.96 रुपये प्रति मानक घनमीटर (एससीएम) झाली आहे. आता पीएनजी गाझियाबाद, नोएडा आणि ग्रेटर नोएडामध्ये एकाच किमतीत उपलब्ध असेल. (हेही वाचा - CNG Rates: पुण्यात सीएनजीच्या दरात 5 रुपयांनी वाढ, जाणून घ्या तुमच्या शहरातील दर)

तुमच्या शहराची किंमत येथे जाणून घ्या

• दिल्ली- 71.61 रुपये प्रति किलो
• नोएडा, ग्रेटर नोएडा आणि गाझियाबाद - 74.17 रुपये प्रति किलो
• मुझफ्फरनगर, मेरठ आणि शामली - 78.84 रुपये प्रति किलो
• गुरुग्राम - 79.94 रुपये प्रति किलो
• रेवाडी - 82.07 रुपये प्रति किलो
• कर्नाल आणि कैथल- 80.27 प्रति किलो
• कानपूर, हमीरपूर आणि फतेहपूर - 83.40 प्रति किलो
• अजमेर, पाली आणि राजसमंद - 81.88 रुपये प्रति किलो

15 दिवसांत तिसऱ्यांदा वाढ -

सुमारे 15 दिवसांत पीएनजीच्या किमतीत तिसऱ्यांदा वाढ करण्यात आली आहे. सुमारे 10 दिवसांपूर्वी पीएनजीच्या किमतीत 5.85 रुपयांनी वाढ करण्यात आली होती. यापूर्वी, IGL 6 एप्रिलपासून PNG 41.50 रुपये प्रति SCM दराने विकत होता.