CBI Raids Lalu Yadav: लालू प्रसाद यादव यांच्या 17 ठिकाणांवर सीबीआयचे छापे; भ्रष्टाचाराचा आरोप
पटनासोबतचं सीबीआयने दिल्ली आणि इतर शहरांमध्ये एकाच वेळी 15 ठिकाणी छापे टाकल्याचे सांगण्यात येत आहे. हे संपूर्ण प्रकरण लालू यादव रेल्वेमंत्री असताना रेल्वे भरतीत झालेल्या हेराफेरीशी संबंधित असल्याचे सांगितले जात आहे. सीबीआय अधिकारी राबडी देवी यांचीही चौकशी करत आहेत.
CBI Raids Lalu Yadav: आरजेडी अध्यक्ष लालू प्रसाद यादव (Lalu Prasad Yadav) यांच्याशी संबंधित ठिकाणांवर सीबीआय (CBI) ने छापे टाकले आहेत. पाटणा येथील राबडी देवी यांच्या शासकीय निवासस्थानावर सीबीआयने छापा टाकला. सुमारे दोन तासांपूर्वी हा छापा सुरू झाला. पटनासोबतचं सीबीआयने दिल्ली आणि इतर शहरांमध्ये एकाच वेळी 15 ठिकाणी छापे टाकल्याचे सांगण्यात येत आहे. हे संपूर्ण प्रकरण लालू यादव रेल्वेमंत्री असताना रेल्वे भरतीत झालेल्या हेराफेरीशी संबंधित असल्याचे सांगितले जात आहे. सीबीआय अधिकारी राबडी देवी यांचीही चौकशी करत आहेत.
सीबीआय अधिकारी खटाल यांचीही चौकशी करत असल्याचे सांगण्यात येत आहे. रेल्वेत नोकरीच्या बदल्यात लालू यादव यांनी लोकांकडून जमिनी आपल्या नावावर करून घेतल्याचा आरोप आहे. लालू यादव-राबडी देवी यांचा धाकटा मुलगा तेजस्वी यादव पाटण्यात नसताना हा छापा पडला आहे. दोन दिवसांपूर्वी तो लंडनला रवाना झाला होता. खुद्द लालू यादव सध्या त्यांची मोठी मुलगी आणि राज्यसभा सदस्य मीसा भारती यांच्या दिल्लीतील निवासस्थानी आहेत. पटना व्यतिरिक्त बिहारच्या गोपालगंज, दिल्ली आणि भोपाळमध्येही ही छापेमारी सुरू असल्याचे सांगण्यात येत आहे. (हेही वाचा - Jammu and Kashmir: रामबन राष्ट्रीय महामार्गावर निर्माणाधीन बोगद्याचा काही भाग कोसळला; अनेक जण अडकले)
माजी मुख्यमंत्री राबडी देवी यांच्या पाटणा येथील 10, सर्कुलर रोड येथील निवासस्थानावर सीबीआयने छापे टाकले. सकाळी सीबीआयचे अधिकारी येथे पोहोचले तेव्हा घरातील लोकांना नीट जागही येत नव्हती. सीबीआय अधिकाऱ्यांनी राबडी देवी यांच्या निवासस्थानी प्रवेश करताच दरवाजे बंद केले. यानंतर निवासस्थानाच्या आत आणि बाहेर जाण्यास मज्जाव करण्यात आला.
राबडी देवी यांच्या निवासस्थानावर छापेमारीची बातमी समजताच लालू समर्थक आणि आरजेडीचे नेते आणि आमदार तेथे येऊ लागले. येथील वाढती गर्दी पाहता बॅरिकेडिंग करण्यात येत आहे. घराच्या आत आणि बाहेर पोलीस बंदोबस्त तैनात करण्यात आला आहे. लालू यादव यांचे दोन वकीलही घटनास्थळी पोहोचल्याचे सांगण्यात येत आहे.
राबडी देवी यांच्या निवासस्थानाबाहेर जमलेले तेज प्रताप यादव यांचे समर्थक कारवाई थांबवा अशा घोषणा देत आहेत. इकडे राबरी निवासस्थानी पोहोचलेल्या लालू समर्थकांचे म्हणणे आहे की, ही खूप जुनी बाब आहे आणि केवळ त्रास देण्यासाठी अशी कारवाई केली जात आहे. या प्रकरणी सीबीआयकडे कोणतेही पुरावे नाहीत, असे आरजेडी समर्थकांचे म्हणणे आहे.
लालू यादव पाच वर्षे रेल्वेमंत्री -
लालू यादव 2004 ते 2009 या काळात संयुक्त पुरोगामी आघाडी सरकारमध्ये रेल्वेमंत्री होते. यादरम्यान त्यांच्यावर विविध घोटाळे केल्याचा आरोप करण्यात आला. सीबीआय या प्रकरणांचा तपास करत आहे. या प्रकरणांमध्ये यापूर्वीही छापे टाकण्यात आले आहेत.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)