परवानगी शिवाय धार्मिक कार्यक्रमांना बंदी, आता भागवत कथा वाचन कार्यक्रमांवरही गदा

सार्वजनिक ठिकाणी परवानगी शिवाय धार्मिक कार्यक्रमांचे आयोजन करण्यास बंदी घालण्यात आली आहे. बुधवारी ग्रेटर नोएडा (Greater Noida) च्या पोलीस अधिकाऱ्यांनी सेक्टर-37 येथे हुकमत असलेल्या जागेवर भागवत कथा (Bhagavat Katha) वाचन कार्यक्रमांसाठी परवानगी नाकारली आहे.तर आता प्रथम सार्वजनिक ठिकाणी नमाज पाठणाच्या बंदीनंतर भागत कथा वाचनावर ही गदा आणली आहे.

नोएडा मधील सेक्टर- 58 येथे परवानगी शिवाय नमाज पठणावरुन बंदी घालण्यात आल्यानंतर खूप गोंधळ घातला जात आहे. या प्रकरणी दोघांना पोलिसांनी अटकसुद्धा केली आहे. तर सेक्टर-37 येथील हुकमत जागा खाली असल्याने काही लोकांनी परवानगी शिवाय भागवत कथा वाचनाच्या कार्यक्रमासाठी मंडपाची उभारणी केली. तर स्पीकर्स आणि माईकसुद्धा लावण्यात आले होते.

पंरतु सेक्टर-37 मधील अधिकाऱ्यांनी भागवत कथा वाचनासाठी लावण्यात आलेले मंडप काढून टाकले. त्यामुळे उपस्थित महिलांनी अधिकाऱ्यांच्या अशा वर्तवणुकीमुळे त्यांनी खडे बोल सुनावले.