Varanasi Boat Accident: 34 पर्यटकांनी भरलेली ओव्हरलोड बोट अहिल्याबाई घाटातील गंगेत बुडाली; दोन जणांची परिस्थिती गंभीर
Varanasi Boat Accident (PC - Twitter/ @nnsushant)

Varanasi Boat Accident: वाराणसीत जिल्हा प्रशासनाचा हलगर्जीपणा आणि होडीवाल्यांची कामगिरी पुन्हा एकदा गंगेत जीवघेणी ठरली आहे. दक्षिण भारतातील 34 पर्यटकांना घेऊन जाणारी एक ओव्हरलोड बोट (Boat) शनिवारी सकाळी गंगेत बुडाली. अपघाताची माहिती मिळताच पोलीस प्रशासन घटनास्थळी दाखल झाले. स्थानिक लोकांनी दिलेल्या माहितीनुसार, बोटींग करत असताना या अपघातात बोटीतील सुमारे 34 जण बुडाले. त्याचवेळी माहिती मिळताच एनडीआरएफ आणि जल पोलिसांचे पथक मदत आणि बचाव कार्यात सहभागी झाले. पोलिसांनी दिलेल्या माहितीनुसार, स्थानिक लोकांच्या मदतीने सर्व लोकांना सुखरूप बाहेर काढण्यात आले आहे. त्यापैकी दोघांची प्रकृती चिंताजनक असल्याने त्यांना रुग्णालयात दाखल करण्यात आल्याचे सांगण्यात आले.

अपघातानंतर आरडाओरडा होताच लोक आपापल्या साधनांसह बचावासाठी घटनास्थळी पोहोचू लागले. पर्यटकांना एक एक करून वाचवण्याची प्रक्रिया सुरू झाली. यात दोघांची प्रकृती चिंताजनक असल्याने त्यांना रुग्णालयात दाखल करावे लागले. अपघात होत असल्याचे पाहून नियम न पाळणारा बोटचालकही घटनास्थळावरून पळून गेला. त्याचबरोबर पोलिसांनी आता याप्रकरणी गुन्हा नोंदवून कारवाई करण्याची तयारी केली आहे. (हेही वाचा -Banda Boat Accident: उत्तर प्रदेशातील बांदा येथे बोटीचा मोठा अपघात, यमुना नदीत बुडाले 30 जण; दोघांचे मृतदेह सापडले)

वाराणसीमध्ये शनिवारी सकाळी सातच्या सुमारास अहिल्याबाई घाटासमोर प्रवाशांनी भरलेली बोट अचानक बुडू लागल्याने मोठा अपघात झाला. गंगेत बोट बुडाल्याची माहिती समजल्यानंतर एकच गोंधळ उडाला. आरडाओरडा झाल्यानंतर स्थानिक बोटीसह पोलीस आणि बचाव पथकही घटनास्थळी पोहोचले. या घटनेतील दोघांची प्रकृती गंभीर असल्याने त्यांना तातडीने कबीर चौरा विभागीय रुग्णालयात दाखल करण्यात आले. (हेही वाचा - Railway Accident: धावत्या ट्रेनमधून नदीत कोसळल्याने 18 महिन्यांच्या बाळासह आईचा मृत्यू, भंडारा येथील घटना)

स्थानिक बोटवाल्यांनी दिलेल्या माहितीनुसार सर्व प्रवासी दक्षिण भारतातील आहेत. त्याचवेळी या अपघातानंतर बोट चालक घटनास्थळावरून फरार झाला आहे. पोलिसांनीही परिस्थितीचा आढावा घेण्यासाठी घटनास्थळी पोहोचून पर्यटकांची विचारपूस केली. अपघातात दोघांची प्रकृती गंभीर झाल्यानंतर त्यांना तातडीने रुग्णालयात दाखल करण्यात आले. यामध्ये एका भाविकाची प्रकृती चिंताजनक असल्याने विभागीय रुग्णालयाच्या डॉक्टरांनी त्याला बीएचयूमध्ये रेफर केले आहे. दुसऱ्या रुग्णावर विभागीय रुग्णालयात उपचार सुरू आहेत.