AIIMS Servers Targeted by Hackers: 'एम्स'चे 5 सर्व्हर हॅकर्सच्या निशाण्यावर, चीनचा सहभाग असल्याचा संशय

AIIMS Servers Targeted by Hackers: दिल्लीतील ऑल इंडिया इन्स्टिट्यूट ऑफ मेडिकल सायन्सेस (AIIMS) वर सायबर हल्ल्यात (Cyber Attack) लाखो रुग्णांच्या वैयक्तिक डेटाशी छेडछाड झाली आहे. चिनी हॅकर्सच्या संशयित सायबर हल्ल्यात एकूण 5 मुख्य सर्व्हरना लक्ष्य करण्यात आले होते, अशी माहिती सूत्रांनी दिली. चोरलेला डेटा इंटरनेटचा छुपा भाग असलेल्या डार्क वेबवर विकला गेला असावा.

दरम्या, चोरी गेलेल्या डार्क वेबवर 1,600 हून अधिक सर्च दर्शवित आहे. चोरलेल्या डेटामध्ये राजकारणी आणि सेलिब्रिटींसह व्हीव्हीआयपींच्या तपशीलांचा समावेश आहे. तथापि, IFSO अधिकाऱ्यांनी दिलेल्या माहितीनुसार कोणताही डेटा गमावला नाही. IFSO द्वारे हॅकिंग प्रकरण हाताळण्याची ही पहिलीच वेळ आहे. हॅकर्सचा मुख्य हेतू पैसे उकळण्याचा होता. या घटनेचा पुढील तपास सुरू आहे. (हेही वाचा -Cyber Attack On Jal Shakti Ministry: AIIMS नंतर आता जलशक्ती मंत्रालयावर 'सायबर हल्ला'; ट्विटर हँडल हॅक)

हॅकर्सनी एम्सकडून अंदाजे 200 कोटी रुपयांची क्रिप्टोकरन्सीची मागणी केली आहे. गेल्या बुधवारी सकाळी उघडकीस आलेल्या या उल्लंघनामुळे सुमारे 3-4 कोटी रुग्णांच्या डेटाशी तडजोड झाली असण्याची भीती व्यक्त केली जात आहे. सर्व्हर डाऊन राहिल्याने आपत्कालीन परिस्थितीत रुग्ण सेवा, बाह्यरुग्ण, आंतररुग्ण आणि प्रयोगशाळा शाखा मॅन्युअली व्यवस्थापित केल्या जात आहेत. (हेही वाचा - Delhi AIIMS: एम्समध्ये खासदारांच्या उपचारासाठी विशेष सुविधेचा आदेश मागे; वाढत्या वादाच्या पार्श्वभूमीवर घेण्यात आला निर्णय)

याशिवाय, एम्स नेटवर्कचे सॅनिटायझेशन प्रगतीपथावर आहे. सर्व्हर आणि संगणकांसाठी अँटीव्हायरस उपाय आयोजित केले आहेत. हे 5,000 पैकी जवळपास 1,200 संगणकांवर स्थापित केले गेले आहे. 50 पैकी वीस सर्व्हर स्कॅन केले गेले आहेत आणि ही क्रिया 24×7 चालू आहे.

(The above story first appeared on LatestLY on Dec 02, 2022 04:55 PM IST. For more news and updates on politics, world, sports, entertainment and lifestyle, log on to our website latestly.com).