Wagle Ki Duniya: सुमित राघवनचा शो ‘वागले की दुनिया’च्या सेटवर 8 जणांना कोरोना विषाणूची लागण; BMC कडून योग्य ती कारवाई करण्याचे आदेश 

सध्या चित्रपट व टीव्ही व्यवसायाला कोरोना विषाणूचे (Coronavirus) ग्रहण लागल्याचे दिसत आहे. बॉलिवूडमधील अनेक कलाकारांना कोरोनाची लागण झाली आहे. तसेच मालिका विश्वामध्येही हा संसर्ग मोठ्या प्रमाणात पसरत आहे. आता मोठ्या प्रमाणात काळजी घेऊनही जेडी मजीठियाचा शो ‘वागले की दुनिया’ (Wagle Ki Duniya) च्या सेटवर 8 लोक कोरोना पॉझिटिव्ह असल्याचे आढळले आहे. कोरोनाची लक्षणे आढळल्यावर सेटवर उपस्थित असलेल्या सर्वांची कोरोना टेस्ट केली गेली. कोरोना पॉझिटिव्ह असणार्‍या लोकांमध्ये कलाकार आणि कर्मचारी दोघांचा समावेश आहे. सर्व कोरोना पॉझिटिव्ह कलाकार घरीच विलगीकरणामध्ये आहेत. कोरोनाच्या कहरानंतरही सेटवर स्वच्छता ठेवून शूटिंग पुन्हा सुरू करण्यात आले आहे.

महाराष्ट्रामध्ये कोरोना विषाणूची लागण झालेल्या लोकांची संख्या झपाट्याने वाढत आहे. कोरोना विषाणूच्या दुसर्‍या लाटेचा प्रभाव खासकरुन करमणुक क्षेत्रावर होत आहे. इंडस्ट्रीमध्ये वीकएंडला शूटिंग करणे बंद केले आहे. सेटवर केवळ निवडक लोकांनाच बोलावले जात आहे. असे असूनही ‘वागले की दुनिया’च्या सेटवर 8 लोक सकारात्मक आढळले आहेत. सेटवर बरेच लोक कोरोना पॉझिटिव्ह आल्यानंतर प्रत्येकजण चकित झाल्याचे निर्माते जेडी मजीठिया यांनी सांगितले. प्रत्येकजण याबद्दल बोलण्यास घाबरत आहे. याआधी मजीठियाच्या शोमधील तंत्रज्ञांपैकी एकाचे कोरोना व्हायरसमुळे निधन झाले आहे.

जेडी मजीठिया हे सुमित राघवनचा शो 'वागले की दुनिया'ची निर्मिती करत आहेत. 'वागले की दुनिया' नव्या लूकमध्ये सोनी सबवर परत आला आहे. आता सब टीव्हीनेही मान्य केले आहे या शोच्या सेटवर कोरोनाचा प्रादुर्भाव वाढला आहे. माध्यमांनी याबाबत वृत्त दिले आहे. (हेही वाचा: बॉलिवूडला कोरोनाचे ग्रहण; अक्षय कुमार, गोविंदा, विकी कौशल नंतर कॅटरिना कैफला कोरोना व्हायरसची लागण)

दरम्यान, जेडी मजीठिया गेली अनेक वर्षे भारतीय चित्रपट आणि टीव्ही निर्माता परिषदेच्या टीव्ही शाखेत अध्यक्ष आहेत. फेडरेशन ऑफ वेस्टर्न इंडियन सिने एम्प्लॉईजच्या आवाहनावर महाराष्ट्र सरकारने फिल्म आणि टीव्ही मालिकांचे शूटिंग सुरू ठेवण्यास परवानगी दिली आहे. आता सेटवर इतक्या मोठ्या प्रमाणात साकारतं रुग्ण आढळल्यानंतर, यासंदर्भात योग्य ती कारवाई करण्याचे आदेश पालिकेच्या कर्मचार्‍यांनी मजीठियाच्या प्रॉडक्शन हाऊसला दिले आहेत.