QuickLY
Socially
Bigg Boss 16 Grand Finale: रिअॅलिटी शो बिग बॉस 16 (Bigg Boss) चा ग्रँड फिनाले (Grand Finale) अवघ्या काही तासांवर आहे. घरात उपस्थित असलेल्या टॉप 5 स्पर्धकांमधून ही ट्रॉफी कोणाला मिळणार, हे 12 फेब्रुवारीला संध्याकाळी कळणार आहे. यावेळचा ग्रँड फिनाले मागील हंगामापेक्षा खूपच वेगळा आणि धमाकेदार असणार आहे. निर्मात्यांनी प्रेक्षकांसाठी एका खास संध्याकाळची व्यवस्था केली आहे. ज्यात एक प्रकारचा परफॉर्मन्स दिला जाईल. बिग बॉसचा शेवटचा भाग दोन-तीन तास नसून पूर्ण पाच तास चालण्याची ही पहिलीच वेळ असेल.
12 फेब्रुवारीच्या एपिसोडमध्ये काहीतरी खास घडणार आहे. निर्मात्यांनी व्हिडिओच्या माध्यमातून त्याची झलकही दाखवली आहे. ग्रँड फिनालेमध्ये माजी स्पर्धक त्यांच्या आवडत्या घरातील सहकाऱ्यांना चिअर अप करण्यासाठी आलेले दिसतील. त्यांना प्रोत्साहन देण्यासाठी ते एक रोमांचक डान्स परफॉर्मन्सही देणार आहे. इतकेच नाही तर सध्याचे स्पर्धकही प्रेक्षकांसाठी अनेक गाण्यांवर डान्स करताना दिसणार आहेत. (हेही वाचा -Bigg Boss 16 स्पर्धक Shiv Thakare ला आमदार Bacchu Kadu यांचा पाठिंबा; शेअर केली खास फेसबूक पोस्ट)
अंतिम फेरी 5 तास चालणार -
बिग बॉस 16 चा ग्रँड फिनाले 12 फेब्रुवारीला संध्याकाळी 7 वाजता होणार आहे. शेवटचा भाग पाच तास चालणार आहे. यादरम्यान शालीन भानोतपासून अर्चना गौतमपर्यंत सर्व कलाकाल नवीन-जुने सर्व प्रकारच्या गाण्यांवर परफॉर्म करताना दिसणार आहेत.
शालीन-अर्चना विशेष परफॉर्मन्स करणार -
शालीन भानोट 'बिजली' गाण्यावर डान्स करणार आहे. तर अर्चना गौतम अनारकली सूटमध्ये 'बिजली गिराने' गाण्यावर डान्स करताना दिसणार आहे. या स्पर्धकांसोबतच माजी स्पर्धकही आपली उपस्थिती नोंदवणार आहेत. सुंबुल तौकीर खान, अंकित गुप्ता आणि अनेक माजी स्पर्धक ग्रँड फिनालेमध्ये धमाकेदार परफॉर्मन्स देणार आहेत.
तुम्ही फिनाले कधी आणि कुठे पाहू शकता?
बिग बॉस 16 चा फिनाले कलर्स चॅनलवर संध्याकाळी 7 ते 12 या वेळेत पाहता येईल. या सीझनचा शेवटचा एपिसोड सलमान खान होस्ट करणार आहे.
