Superstar Singer 2 Winner: राजस्थानमधील 14 वर्षीय Mohammad Faiz ठरला 'सुपरस्टार सिंगर 2' चा विजेता

Superstar Singer 2 Winner: सिंगिंग रिअॅलिटी शो सुपरस्टार सिंगर सीझन 2 (Superstar Singer 2) मध्ये मोहम्मद फैज (Mohammad Faiz) विजेता ठरला आहे. राजस्थानच्या जोधपूरचा राहणारा 14 वर्षीय फैज या विजयाबद्दल खूप आनंदित आहे. बॉम्बे टाईम्सला दिलेल्या मुलाखतीत तो म्हणाला, 'जेव्हा मला शोचा विजेता घोषित करण्यात आले तेव्हा माझ्या आजूबाजूचे काहीजण रडत होते आणि टाळ्या वाजवत होते. या शोमध्ये मला विजेता घोषित केल्यानंतर माझ्या आईने मला स्टेजवर उभे केले. माझे वडील भारताबाहेर राहतात. मी त्याच्याशी बोललो आणि त्यांना माझ्या यशाबद्दल खूप आनंद झाला. माझ्या आई आणि बहिणींचे आनंदाश्रू पाहून मला खूप आनंद झाला. माझ्या आजूबाजूच्या प्रत्येकाला माझा अभिमान वाटत होता.

या शोमधील अनुभवाबाबत फैज म्हणाले की, या शोमध्ये मला कधीही दबाव जाणवला नाही. परंतु गेल्या काही महिन्यांपासून नेहमीच शांत राहण्याचा प्रयत्न केला. फैज म्हणाला, 'या शोमधील स्पर्धा आणि फिनालेबद्दल मी कधीच विचार केला नाही. आपल्या सर्वांसाठी येथे गाणे म्हणजे फक्त संगीत शिकणे आणि सादरीकरणावर लक्ष केंद्रित करणे. एकमेकांशी स्पर्धा करण्यासाठी आम्ही कधीच गायले नाही. खरं तर माझ्या मनात मी स्वतःशीच स्पर्धा करत होतो. प्रत्येक वेळी मला मागल्यापेक्षा चांगली कामगिरी करायची होती. म्हणून मी फक्त माझ्या कौशल्यावर काम करत होतो. (हेही वाचा - GoodBye चित्रपटाचे पोस्टर रिलीज, Amitabh Bachchan सोबत दिसली Rashmika Mandanna)

फैजला त्याचा आवडता संगीत प्रकार कोणता आहे असं विचारलं असता त्याने सांगितलं की, “या शोमध्ये मी सूफी गझलपासून रोमँटिकपर्यंत प्रत्येक शैलीतील गाणी गायली आहेत. मला स्वतःला अष्टपैलू गायक म्हणवायचे आहे. एक कलाकार म्हणून मला भविष्यात सर्व प्रकारची गाणी गाण्याची इच्छा आहे."

फैज आता नववीत आहे, त्याला अभ्यासासोबत संगीताचा समतोल साधायचा आहे. तो म्हणाला, 'पुढे जाऊन मला माझ्या अभ्यासावर लक्ष केंद्रित करायचे आहे आणि गायनातही चांगले यश मिळवायचे आहे. मला रियाझ करत राहायचे आहे आणि प्रेक्षकांशी जोडलेले राहायचे आहे.