QuickLY
Socially
Urvashi Rautela Gold iphone: बॉलिवूड अभिनेत्री उर्वशी रौतेला (Urvashi Rautela) नुकतीच अहमदाबादच्या नरेंद्र मोदी स्टेडियममध्ये क्रिकेट मॅच पाहण्यासाठी गेली होती. यावेळी तिचा 24 कॅरेट सोन्याचा आयफोन (Urvashi Rautela Gold iphone) हरवला. घरी आल्यानंतर फोन रिसिव्ह न केल्याने ती अस्वस्थ झाली. त्यानंतर तिने यासंदर्भात सोशल मीडियावर माहिती दिली. उर्वशीने तिच्या पोस्टमध्ये लोकांना आवाहन केले होते की, जर कोणाला तिचा फोन सापडला तर त्यांनी तो परत करावा. आता उर्वशीला तिचा फोन चोरणाऱ्या व्यक्तीचा शोध लागला आहे. पोस्ट शेअर करून उर्वशीने या व्यक्तीचा मेसेजही दाखवला आहे. ज्यामध्ये चोराने फोनच्या बदल्यात उर्वशीसमोर एक अट ठेवली आहे.
उर्वशी रौतेलाने नुकतीच तिच्या इंस्टाग्राम अकाउंटवर एक पोस्ट शेअर केली आहे. या पोस्टमध्ये तिने सांगितले आहे की, ज्या व्यक्तीने तिचा सोन्याचा आयफोन चोरला आहे त्याने एक ईमेल पाठवला आहे. या ईमेलमध्ये त्या व्यक्तीने उर्वशीचा हरवलेला फोन त्याच्याकडे असल्याची कबुली दिली आहे. पण तो परत मिळवण्यासाठी उर्वशीला एक अट पूर्ण करावी लागेल. (हेही वाचा - Tiger 3 First Song: टायगर 3 चित्रपटात अरिजित सिंगने गायलं सलमानसाठी गाणं; अभिनेत्याने शेअर केलं पोस्टर)
ईमेलमध्ये लिहिले आहे की, 'माझ्याकडे तुमचा फोन आहे. जर तुम्हाला हा फोन घ्यायचा असेल तर आधी तुम्हाला माझी मदत करावी लागेल. जेणेकरून मी माझ्या भावाला कॅन्सरपासून वाचवू शकेन. हा मेसेज शेअर करताना उर्वशीने थम्ब्स अप इमोजी शेअर केला आहे. म्हणजे आम्ही या व्यक्तीला मदत करायला तयार आहोत.
हा ईमेल काही 'ग्रो ट्रेडर्स'कडून अभिनेत्रीला आला आहे. उर्वशीची ही पोस्ट पाहून अनेकांच्या मनात संशय निर्माण झाला असून लोक याला पब्लिसिटी स्टंट म्हणत आहेत. लाखोंचा फोन हरवल्याची तक्रार उर्वशीने पोलिसांत का केली नाही, असा सवाल लोकांनी केला आहे. मात्र, अनेक लोक अभिनेत्रीचे कौतुक करत आहेत की ती कॅन्सरग्रस्तांना मदत करणार आहे.
उर्वशीच्या वर्क फ्रंटबद्दल बोलायचे झाले तर उर्वशी शेवटची ओटीटी मालिका 'इन्स्पेक्टर अविनाश' मध्ये दिसली होती. याशिवाय तिने 'बिग बॉस OTT 2' विजेता एल्विश यादवसोबत एका म्युझिक व्हिडिओमध्येही काम केले आहे.
