Salman Khan New SUV: जीवे मारण्याच्या धमक्या मिळाल्यानंतर सलमान खानने खरेदी केली बुलेटप्रूफ एसयूव्ही; काय आहे किंमत? जाणून घ्या
सलमानने खरेदी केलीली कार दुबईहून आयात केली आहे. अद्याप ही कार भारतात लॉन्च झालेली नाही. गेल्या अनेक दिवसांपासून सलमान खानला अनेक धमक्या येत आहेत. त्यानंतर मुंबई पोलिसांनी अभिनेत्याच्या सुरक्षेत वाढ केली आहे. या सर्व पार्श्वूभूमीवर सलमानने निसान पेट्रोल एसयूव्ही खरेदी केली.
Salman Khan New SUV: ई-मेल आणि जीवे मारण्याच्या धमक्या मिळाल्यानंतर बॉलिवूड अभिनेता सलमान खान (Salman Khan) ने त्याच्या सुरक्षेसाठी उच्च दर्जाची बुलेटप्रूफ एसयूव्ही (SUV) खरेदी केली आहे. त्यांच्या नवीन कारचा एक व्हिडिओ व्हायरल झाला आहे. सलमानने खरेदी केलीली कार दुबईहून आयात केली आहे. अद्याप ही कार भारतात लॉन्च झालेली नाही.
गेल्या अनेक दिवसांपासून सलमान खानला अनेक धमक्या येत आहेत. त्यानंतर मुंबई पोलिसांनी अभिनेत्याच्या सुरक्षेत वाढ केली आहे. या सर्व पार्श्वूभूमीवर सलमानने निसान पेट्रोल एसयूव्ही खरेदी केली. ही कार अद्याप भारतीय बाजारपेठेत उपलब्ध नसल्याने दुबईहून आयात करण्यात आली आहे. सुरक्षेच्या कारणास्तव सलमानने स्वतःसाठी ही कार घेण्याचा निर्णय घेतला. (हेही वाचा - Shahrukh Khan पुन्हा ठरला 'बादशाह'; टाईम 100 रीडर पोलमध्ये अव्वल, दुसऱ्या क्रमांकावर बुरख्याला विरोध करणाऱ्या इराणी महिला)
सलमान खानच्या चाहत्यांना अभिनेत्याने खरेदी केलेल्या कारची किंमत जाणून घ्यायची उत्सुकता लागली आहे. दुबईत सलमान खानच्या निसान पेट्रोलची ऑन रोड किंमत 45.89 लाख ते 88 लाख रुपये आहे. SUV भारतात उपलब्ध नसल्यामुळे, अभिनेत्याने SUV ची किंमत, आयात कर आणि सानुकूलित शुल्कासह खरेदी केली आहे. सलमानच्या कारची किंमत अंदाजे एक कोटी रुपये असल्याचा अंदाज वर्तवण्यात येत आहे.
या कारबद्दल बोलायचे झाल्यास, ती दक्षिण आशियाई बाजारपेठेतील सर्वात लोकप्रिय एसयूव्ही आहे आणि सर्वात महाग मॉडेलपैकी एक आहे. या कारचे वैशिष्ट्य म्हणजे ती एखाद्याच्या सुरक्षिततेसाठी उपयुक्त आहे. सलमान खानच्या वर्क फ्रंटबद्दल बोलायचे झाल्यास, सलमान खान किसी का भाई किसी की जानमध्ये दिसणार आहे. या चित्रपटात अभिनेता पूजा हेडगा, शहनाज गिल, राघव जुयाल, सिद्धार्थ निगम आणि इतरांसोबत दिसणार आहे. हा चित्रपट 21 एप्रिल 2023 रोजी सिनेमागृहात प्रदर्शित होणार आहे.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)