Radhye Shyam Pre-Teaser: प्रभास आणि पूजा हेगडे यांच्या 'राधे श्याम' चित्रपटाचा प्री-टीझर व्हिडिओ रिलीज; 'व्हॅलेंटाईन डे'च्या दिवशी करणार खास धमाका
या चित्रपटात प्रभास आणि पूजा हेगडे मुख्य भूमिकेत दिसणार आहेत. तसेच सचिन खेडकर, प्रियदर्शी, भाग्यश्री, मुरली शर्मा यांच्यादेखील चित्रपटात महत्त्वाच्या भूमिका असणार आहेत.
Radhye Shyam Pre-Teaser: प्रभास (Prabhas) आणि पूजा हेगडे (Pooja Hegde) यांचा 'राधे श्याम' या चित्रपटाच्या निर्मात्यांनी चित्रपटाचा शॉर्ट प्री-टीझर व्हिडिओ रिलीज केला आहे. त्यामध्ये प्रभासची 'लव्हर बॉय' स्टाईलमध्ये एक झलक सादर करण्यात आली आहे. या टीझरची सुरूवात प्रभासच्या ब्लॉकबस्टर हिट 'बाहुबली' च्या लूकपासून झाली आहे. ज्यात त्याच्या 'साहो' चित्रपटाचा लूकही दाखवण्यात आला आहे. त्यानंतर प्रभास संध्याकाळी हलक्या हिमवर्षावाच्या दरम्यान चालताना दाखवण्यात आला आहे. चित्रपटाचा हा टीझर खूपच आकर्षक असून लोकांनाची या टीझरला प्रचंड पसंती मिळात आहे.
चित्रपटाच्या निर्मात्यांनी टीझर शेअर केला आणि कॅप्शनमध्ये लिहिलं की, "या व्हॅलेंटाईन डे ला आपल्याला फक्त प्रेम दिसेल." चित्रपटामध्ये स्टारच्या व्यक्तिमत्त्वाभोवती प्री-टीझर दाखवण्याची ही पहिलीचं वेळ आहे. प्रभास चित्रपटामध्ये अभिनेत्री पूजा हेगडेसोबत रोमांस करताना दिसणार आहे. हे पाहण्यासाठी प्रेक्षक उत्सुक असून चित्रपटाची आतुरतेने वाट पाहत आहेत. (वाचा - अभिनेता Vivek Oberoi चे असेही एक रूप; 18 वर्षात जवळजवळ अडीच लाख कर्करोगग्रस्त मुलांना केली आहे मदत)
बऱ्याच दिवसानंतर प्रभास एक रोमँटिक पात्र साकारताना दिसणार आहे. त्यामुळे प्रेक्षकांना प्रभासच्या भूमिकेविषयी प्रचंड उत्सुकता आहे. प्रेक्षकांनी प्रभासला 'डार्लिंग' चित्रपटात लव्हर बॉयच्या अंदाजात पाहिलं होतं. 'राधेश्याम' हा राधा कृष्ण कुमार दिग्दर्शित बहुभाषिक चित्रपट आहे. हा चित्रपट गुलशन कुमार आणि टी-मालिका सादर करणार आहे. हा चित्रपट यूव्ही क्रिएशन्सद्वारे तयार करण्यात आला आहे.
या चित्रपटात प्रभास आणि पूजा हेगडे मुख्य भूमिकेत दिसणार आहेत. तसेच सचिन खेडकर, प्रियदर्शी, भाग्यश्री, मुरली शर्मा यांच्यादेखील या चित्रपटात महत्त्वाच्या भूमिका असणार आहेत. या चित्रपटाची निर्मिती भूषण कुमार, वामसी आणि प्रमोद यांनी केली आहे.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)