Poonam Pandey New Post: पूनम पांडेने मृत्यूच्या खोट्या बातमीनंतर शेअर केली नवीन पोस्ट; म्हणाली, 'सत्य लवकरच बाहेर येईल'

Poonam Pandey New Post: अभिनेत्री पूनम पांडे (Poonam Pandey) ने 2 फेब्रुवारी रोजी सोशल मीडियावर तिच्या मृत्यूची बातमी शेअर केली होती. गर्भाशयाच्या मुखाच्या कर्करोगामुळे (Cervical Cancer) ती या जगात नाही, असे तिने इन्स्टाग्रामवर सांगितले होते. मात्र, बरोबर 24 तासांनंतर 3 फेब्रुवारीला पूनमने तिच्या इंस्टाग्रामवर लाईव्ह येऊन ती जिवंत असल्याचे सांगितले. अभिनेत्रीचा मृत्यू आणि जिवंत होण्याचा स्टंट लोक अजूनही विसरले नाहीत, आता अभिनेत्रीने इंस्टाग्रामवर आणखी एक पोस्ट शेअर केली आहे. अभिनेत्रीची ही पोस्ट वाचल्यानंतर लोक तिला सोशल मीडियावर प्रचंड ट्रोल करत आहेत.

पूनम पांडेचे नवीन पोस्ट -

अभिनेत्री पूनम पांडे पुन्हा एकदा चर्चेत आली आहे. तिने शनिवारी इंस्टाग्रामवर एक पोस्ट शेअर केली, ज्यामध्ये 'लवकरच सत्य समोर येईल' असे लिहिले आहे. अभिनेत्रीची ही पोस्ट सोशल मीडियावर चांगलीच व्हायरल होत आहे. (हेही वाचा -Satyajeet Tambe On Poonam Pandey: पूनम पांडे हिच्यावर कारवाई करा- आमदार सत्यजित तांबे)

अभिनेत्री पोस्टमुळे पुन्हा ट्रोल -

अभिनेत्रीच्या या पोस्टवर आता लोक कमेंट करत आहेत. एका यूजरने लिहिले की, 'आम्हाला कोणतेही खोटे सत्य ऐकायचे नाही.' दुसऱ्या वापरकर्त्याने लिहिले, 'स्वारस्य नाही.' तिसऱ्या यूजरने लिहिले, 'आता कोणते सत्य उरले आहे?' आणखी एका युजरने लिहिले, 'आता ती म्हणेल की मी खरोखरच मेली आहे.' (हेही वाचा - Poonam Pandey Dies Due to Cervical Cancer: सायलंट किलर समजला जाणार्‍या या गर्भाशयाच्या कर्करोगाबद्दल जाणून घ्या या काही गोष्टी!)

 

View this post on Instagram

 

A post shared by Poonam Pandey (@poonampandeyreal)

पूनम पांडेने मृत्यूच्या पोस्टवर प्रतिक्रिया देताना म्हटलं होतं की, तिला कर्करोगाबाबत जनजागृती करायची होती. म्हणून तिने तिच्या मृत्यूची बातमी पसरवली. लोकांना जागरूक करण्यासाठी तिने ही पद्धत अवलंबली होती. तथापि, आता अभिनेत्रीने तिच्या मृत्यूबद्दलच्या सर्व पोस्ट आपल्या अकाऊंटवरून हटविल्या आहेत.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)