Sidhu Moose Wala Murder Case: मूसवाला हत्याकांडात पोलिसांची मोठी कारवाई; लॉरेन्स बिश्नोई टोळीच्या 3 गुंडांना अटक

Sidhu Moose Wala Murder Case: प्रसिद्ध गायक सिद्धू मुसेवाला (Sidhu Moose Wala) हत्येने संपूर्ण देश हादरला. त्यानंतर दिल्ली पोलीस सातत्याने सक्रिय असून गुन्हेगारांच्या अटकेची फेरी सुरू आहे. या संदर्भात आता दिल्ली पोलिसांच्या स्पेशल सेलने गुजरातमधील कच्छमधून तीन जणांना ताब्यात घेतले आहे. पोलिसांनी दिलेल्या माहितीनुसार, हे तिन्ही आरोपी लॉरेन्स बिश्नोई टोळीशी संबंधित आहेत. पोलिसांनी दिलेल्या माहितीनुसार, पकडलेले तिन्ही बदमाश हे हरियाणातील कुख्यात गुंड नरेश सेठीचे आहेत.

नरेश सेठी आता लॉरेन्स बिश्नोईशी जोडले गेले आहेत. दिल्ली पोलिसांनी नरेश सेठीवर MCOCA अंतर्गत गुन्हा दाखल केला आहे. स्पेशल सेलची टीम गुजरातमधून तिघांना दिल्लीत आणत आहे. यापूर्वी पुणे पोलिसांनी सिद्धू मुसावालावर गोळीबार केल्याचा संशय असलेल्या संतोष जाधवला गुजरातमधून अटक केली होती. या प्रकरणातील महत्त्वाचा सुगावा म्हणजे हरियाणातील फतेहाबाद येथील पेट्रोल पंपावरील सीसीटीव्ही फुटेज. गुन्ह्यात वापरण्यात आलेल्या बॉलेरो कार या व्हिडिओमध्ये स्पष्टपणे दिसत आहे. (हेही वाचा - अक्षय कुमारने शेअर केले Raksha Bandhan नवे पोस्टर, 'या' दिवशी चित्रपटाचा ट्रेलर होणार रिलीज)

एडीजीपी एजीटीएफ यांनी सांगितले की, सीसीटीव्ही फुटेज गोळा करण्यासाठी एक पोलिस पथक फतेहाबादच्या पेट्रोल स्टेशनवर पाठवण्यात आले. "पोलिस पथकांनी सीसीटीव्ही फुटेज मिळवले असून आरोपींपैकी एकाला ओळखण्यात यश मिळविले आहे.

पोलिसांनी गुन्ह्यात वापरलेली महिंद्रा बोलेरो, टोयोटा आणि पांढऱ्या रंगाची अल्टो कार यासह सर्व वाहने जप्त केली आहेत. टोयोटा कोरोलामध्ये, हल्लेखोरांनी बंदुकीच्या जोरावर पांढऱ्या रंगाची अल्टो कार अडवली आणि हिसकावून घेतली. घटनेदरम्यान नुकसान झालेल्या टोयोटा कोरोला मागे टाकून पांढऱ्या रंगाच्या बोलेरो जीपने खारा बर्नाळा गावाच्या दिशेने पळ काढला. 30 मे रोजी मोगा जिल्ह्यातील धरमकोटजवळ सफेद अल्टो देखील बेवारस सापडली होती.