Kunal Khemu ने केला मुलगी 'इनाया नौमी खेमू' च्या नावाचा टॅटू (See Pic)
बॉलिवूड अभिनेता कुणाल खेमू याने मुलगी इनाया नौमी खेमू हिच्या वाढदिवसानिमित्त तिला खास गिफ्ट दिले आहे. इनायाच्या वाढदिवसानिमित्त त्याने तिच्या नावाचा टॅटू करुन घेतला आहे.
बॉलिवूड अभिनेता कुणाल खेमू (Kunal Khemu) याने मुलगी इनाया नौमी खेमू (Inaaya Naumi Kemmu) हिच्या वाढदिवसानिमित्त तिला खास गिफ्ट दिले आहे. 29 सप्टेंबर रोजी इनायाचा तिसरा वाढदिवस होता. त्यानिमित्ताने कुणालने तिच्या नावाचा टॅटू करुन घेतला आहे. कुणाल खेमू सोशल मीडियावर अॅक्टीव्ह असून तो नेहमीच आपल्या मुलीचे खास क्षण चाहत्यांसह शेअर करत असतो. आता इनायाच्या वाढदिवसानिमित्त त्याने देवगिरी स्टाईलमध्ये तिचे नाव गोंदवून घेतले आहे. याचा फोटो त्याने सोशल मीडियावर शेअर केला असून या फोटोला चाहत्यांकडून चांगलीच पसंती मिळत आहे.
कुणाल खेमू याने इंस्टाग्राम अकाऊंटवर टॅटूचा फोटो शेअर करत मुलीसाठी एक भावूक पोस्ट लिहिली आहे. कुणालने पोस्टमध्ये लिहिले, "या टॅटूची शाई माझ्या हृदयाच्या अत्यंत जवळ आहे. माझी छोटीशी मुलगी कायम माझ्या हृदयाचा एक हिस्सा असेल. तिचे नाव आहे इनाया आणि तिचे मधले नाव नौमी. याचा अर्थ दुर्गा. तिचे रुप लाल कुंकवाने आणि त्रिशूळाने दाखवण्यात आले आहे." कुणालच्या या फोटोवर चाहत्यांकडून अनेक प्रतिक्रीया येत आहेत. (सोहा अली खान ची मुलगी इनाया आपले वडिल कुणाल खेमू च्या वाढदिवसामिनित्त गायले गाणे, पाहा क्युट व्हिडिओ)
पहा फोटो:
तैमुर अली खान प्रमाणे इनाया देखील सोशल मीडियावर हिट आहे. तैमुर-इनायाचे अनेक व्हिडिओज समोर आले आहेत. गायत्री मंत्र पठणाचा इनायाचा व्हिडिओ सोशल मीडियावर खूप व्हायरल झाला होता. दरम्यान, डॉटर्स डे निमित्त कुणाल खेमूने इनायाचा गोंडस फोटो शेअर करत तिच्यासाठी प्रेमपूर्वक संदेश लिहिला होता.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)