Jawan Box Office Collection Day 1: जवानाने मोडला पठाणचा विक्रम, पहिल्याच दिवशी 75 कोटींची कमाई करून रचला इतिहास

Jawan Box Office Collection Day 1: बॉलिवूड अभिनेता शाहरुख खान (Shah Rukh Khan) चा 'जवान' हा चित्रपट अखेर चित्रपटगृहात दाखल झाला असून प्रदर्शित झाल्यानंतर अवघ्या काही तासांतच या चित्रपटाने चित्रपटगृहांमध्ये खळबळ उडवून दिली आहे. शाहरुख खानला मोठ्या पडद्यावर पाहिल्यानंतर त्याचे चाहते नाचताना आणि जल्लोष करतानाचे व्हिडिओ सोशल मीडियावर व्हायरल होत आहेत. या चित्रपटात शाहरुख खानशिवाय नयनतारा आणि विजय सेतुपती यांच्याही मुख्य भूमिका आहेत. व्यापार विश्लेषकांच्या मते, 'जवान'ने पहिल्याच दिवशी बॉक्स ऑफिसवर अनेक रेकॉर्ड तोडले.

मीडिया रिपोर्ट्सनुसार, जवानला 75 कोटींची ग्रॅंड ओपनिंग मिळाली आहे. अशाप्रकारे शाहरुखने त्याच्या मागील 'पठान' चित्रपटाचा विक्रम मोडला आहे. 'जवान'बद्दल बोलताना शाहरुख खानने याआधी एका निवेदनात म्हटले होते की, जवान ही एक कथा आहे जी भाषा आणि भूगोलाच्या पलीकडे असून ती सर्वांसाठी आहे. हा अनोखा चित्रपट बनवण्याचे श्रेय ऍटलीला जाते, मला अॅक्शन चित्रपट आवडतात हा माझ्यासाठी खूप छान अनुभव होता. (हेही वाचा -Suhana Khan Spotted: शाहरुख खानची मुलगी सुहाना खान हिचे 'जवान'च्या स्पेशल स्क्रिनिंगनिमित्त चाहत्यांना दिसली (Watch Video))

आता येत्या काही दिवसात जवान बॉक्स ऑफिसवर काय धमाका करतो हे पाहणे उत्सुकतेचे ठरणार आहे. वीकेंडला चित्रपटाच्या कमाईत मोठी वाढ दिसू शकते. कारण चित्रपट पाहण्यासाठी चाहते मोठ्या संख्येने चित्रपटगृहात पोहोचत आहेत. त्याच वेळी, जवानला समीक्षक आणि लोकांकडूनही चांगला प्रतिसाद मिळाला आहे. शाहरुख खान जवान पुन्हा एकदा प्रेक्षकांची मने जिंकण्यात यशस्वी झाला आहे.

जवान चित्रपटात शाहरुख खानसोबत साऊथची सुपरस्टार अभिनेत्री नयनतारा आणि विजय सेतुपती दिसले आहेत. या चित्रपटात सान्या मल्होत्रा, प्रियामणी, गिरीजा ओक, संजिता भट्टाचार्य, लहर खान, आलिया कुरेशी, रिद्धी डोग्रा आणि सुनील ग्रोव्हर यांच्याही भूमिका आहेत. तर दीपिका पदुकोणची यात छोटी भूमिका आहे.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)