Ram Temple Consecration: बॉलीवूडची ड्रीम गर्ल हेमा मालिनी अयोध्येत सादर करणार रामायणावरील नृत्यनाटिका; पहा व्हिडिओ
भाजप नेत्या हेमा मालिनी अयोध्येतील राम मंदिर प्राणप्रतिष्ठा दिनानिमित्त रामायणावर आधारित नृत्यनाटिका सादर करणार आहेत. हेमा मालिनी यांचे अनेक चित्रपट ब्लॉकबस्टर ठरले आहेत. अभिनेत्री-राजकारणी असलेल्या हेमा मालिनी यांनी त्यांच्या कार्यालयातून एक नवीन क्लिप शेअर केली आहे.
Ram Temple Consecration: बॉलीवूडची ड्रीम गर्ल आणि भाजप नेत्या हेमा मालिनी (Hema Malini) केवळ उत्कृष्ट अभिनयच करत नाहीत तर उत्तम नृत्य देखील करतात. भाजप (BJP) नेत्या हेमा मालिनी अयोध्येतील राम मंदिर (Ram Mandir) प्राणप्रतिष्ठा दिनानिमित्त रामायणावर आधारित नृत्यनाटिका सादर करणार आहेत. हेमा मालिनी यांचे अनेक चित्रपट ब्लॉकबस्टर ठरले आहेत. अभिनेत्री-राजकारणी असलेल्या हेमा मालिनी यांनी त्यांच्या कार्यालयातून एक नवीन क्लिप शेअर केली आहे, ज्यामध्ये त्या राम मंदिराच्या अभिषेकासाठी अयोध्येला जाण्याबद्दल आणि तेथे नृत्यनाट्य सादर करण्याबद्दल बोलत आहेत.
जगतगुरू पद्मविभूषण रामभद्राचार्य यांच्या 75 व्या जयंतीनिमित्त अयोध्येत अमृत महोत्सवाचे आयोजन करण्यात आले आहे. अभिनेत्री हेमा मालिनी या महोत्सवात खास परफॉर्मन्स देणार आहेत. 17 जानेवारी रोजी होणारे हे सादरीकरण रामायण आणि माँ दुर्गा यांच्या विशेष भागावर आधारित असणार आहे. हा कार्यक्रम 14 जानेवारीपासून सुरू होणार असून 22 जानेवारीपर्यंत चालणार आहे. खुद्द हेमा मालिनी यांनी एक व्हिडिओ जारी करून ही माहिती दिली आहे. (हेही वाचा - Ram Mandir Consecration: RRR अभिनेते राम चरणला मिळालं राम मंदिर प्राण प्रतिष्ठापणेचे निमंत्रण, पाहुण्यांच्या यादीत 'या' साऊथ सेलिब्रिटींचाही समावेश)
येथे पहा व्हिडिओ -
भाजप नेत्या हेमा मालिनी यांनी म्हटलं आहे की, 'राम मंदिराच्या अभिषेकवेळी मी प्रथमच अयोध्येत येत आहे. या सोहळ्याची लोक वर्षानुवर्षे वाट पाहत होते... 17 जानेवारीला मी अयोध्या धाममध्ये रामायणावर आधारित नृत्य सादर करणार आहे. अयोध्येतील हा कार्यक्रम आज, रविवार, 14 जानेवारीपासून सुरू होणार असून 22 जानेवारीपर्यंत चालणार आहे.
गेल्या वर्षी नोव्हेंबरमध्ये हेमा मालिनी यांनी त्यांच्या लोकसभा मतदारसंघात संत मीराबाई यांच्या 525 व्या जयंतीनिमित्त आयोजित कार्यक्रमात नृत्यनाट्य सादर केले होते. अलीकडेच त्या मुंबईत झालेल्या इरा खान-नुपूर शिखरे यांच्या लग्नाच्या रिसेप्शनमध्ये दिसल्या होत्या. अनेक उत्तम चित्रपटांमध्ये त्यांच्या दमदार अभिनयामुळे ती बॉलिवूडची 'ड्रीम गर्ल' बनली. हेमा मालिनी यांनी 2004 मध्ये राजकारणात प्रवेश केला. 2004 मध्ये त्या भारतीय जनता पक्षात सामील झाल्या आणि राज्यसभेतही पोहोचल्या.