Salman Khan वरील हल्ल्याचा आणखी एक कट उघड; अतिशय जवळ पोहोचले होते शूटर्स

लॉरेन्स बिश्नोई (Lawrence Bishnoi) गँग बॉलिवूड स्टार सलमान खान (Salman Khan) च्या मागे लागली आहे. सलमान खानवर हल्ला करण्याचा प्रयत्न करणाऱ्या टोळीचा आणखी एक कट उघड झाला आहे. दिल्ली पोलिसांनी दिलेल्या माहितीनुसार, लॉरेन्स बिश्नोई गँगच्या तीन शूटर्सनी सलमान खानच्या फार्म हाऊसचा जवळून माग काढला होता. सिद्धू मुसेवालाला मारण्यापूर्वी ते सलमान खानच्या विरोधात त्याचा नापाक कारस्थान करण्याच्या अगदी जवळ आला होते.

वास्तविक, सिद्धू मुसेवाला खून प्रकरणात नेपाळमधून पकडलेल्या कपिल पंडितला भारतात आणण्यात आले आहे. त्याच्या चौकशीत काही महिन्यांपूर्वी सलमान खानच्या मुंबईतील पनवेल येथील फार्म हाऊसची रेकी करण्यात आल्याचे समोर आले. कपिल पंडितने तीन लोकांसोबत रेकी केली. तो फार्म हाऊसजवळ भाड्याच्या खोलीत राहत होता. फार्म हाऊसच्या गार्डशीही मैत्री केली होती. सलमान खान कोणत्या गाडीतून कधी येतो, यासंदर्भात त्याने सर्व काही शोधून काढले होते. यासाठी शूटर्सनी फार्म हाऊसच्या रक्षकांशी मैत्रीही केली. तो स्वत:ला सलमान खानचा चाहता म्हणत होता. (हेही वाचा - Ranveer Singh Nude Photoshoot Controversy: 'माझ्या फोटोसोबत छेडछाडी करत मॉर्फिंग झाल्याचा' अभिनेता रणवीर सिंह चा जबाब)

दिल्ली पोलिसांच्या स्पेशल सेलचे स्पेशल सीपी एचजीएस धालीवाल यांनी एका वृत्तवाहिनीशी संवाद साधताना सांगितले की, “पूर्वी जेव्हा संपत नेहराला अटक करण्यात आली तेव्हा कळले की सलमान खानची रेकी करण्यात आली होती. त्याच्या अटकेनंतर शस्त्रही जप्त करण्यात आले. सिद्धू मूसेवाला प्रकरणात त्यांचे सिंडिकेट सदस्य संतोष जाधव आणि त्यांच्या काही साथीदारांची चौकशी करण्यात आली होती. कपिल पंडित आणि दीपक मुंडे यांना अटक केली तेव्हा सचिन बिश्नोई आणि कपिल पंडित यांच्यासोबत संतोष जाधवही यात सामील असल्याचे निष्पन्न झाले. काही दिवसांपूर्वी त्यांनी त्यांच्या फार्म हाऊसची रेकी केली होती.

काय आहे लॉरेन्स बिश्नोईचे सलमानशी वैर?

लॉरेन्सचे बिश्नोईचे सलमान खानशी वैर 'काळ्या हरणा'बद्दल आहे. वास्तविक, बिष्णोई समाजाची काळवीटावर धार्मिक श्रद्धा आहे. बिष्णोई लोक काळ्या हरणाला त्यांचे धार्मिक गुरू भगवान जमेश्वर यांचा पुनर्जन्म मानतात. बिश्नोई पहिल्यांदा प्रसिद्धीच्या झोतात आला जेव्हा त्याने 1998 च्या काळवीट हत्येचा सलमान खानवर बदला घेण्याची घोषणा केली. राजस्थानमध्ये एका चित्रपटाच्या शूटिंगदरम्यान सलमान खानने काळवीटाची शिकार केली होती. या प्रकरणात त्याला दोषी ठरवण्यात आले असून त्याला 2018 मध्ये 5 वर्षांची शिक्षा सुनावण्यात आली होती.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)