Kiara Advani Pregnancy Post: सिद्धार्थ मल्होत्राच्या घरात होणार छोट्या पाहुण्याचे आगमन; कियारा अडवाणीने खास फोटो शेअर करत चाहत्यांना दिली गोड बातमी
हा फोटो शेअर करताना कियारा-सिद्धार्थने कॅप्शन दिले आहे की, 'आमच्या आयुष्यातील सर्वात मोठी भेट लवकरच येत आहे.' यासोबतच अभिनेत्रीने हृदय, वाईट नजर आणि हात जोडलेले इमोजी शेअर केली आहे.
Kiara Advani Pregnancy Post: बॉलिवूड अभिनेत्री कियारा अडवाणी (Kiara Advani) आणि सिद्धार्थ मल्होत्राने (Sidharth Malhotra) आपल्या चाहत्यासोबत गोड बातमी शेअर केली आहे. कियारा अडवाणी आणि सिद्धार्थ मल्होत्रा आता पालक होणार आहेत. दोघांनी आपल्या इन्स्टाग्राम अकाऊंटवरून एक खास फोटो शेअर करून ही बातमी दिली आहे. या पोस्टमध्ये दोघेही एकमेकांचे हात धरून आहेत. फोटोमध्ये त्यांनी लहान मुलाचे मोजे धरले आहेत. हा फोटो शेअर करताना कियारा-सिद्धार्थने कॅप्शन दिले आहे की, 'आमच्या आयुष्यातील सर्वात मोठी भेट लवकरच येत आहे.' यासोबतच अभिनेत्रीने हृदय, वाईट नजर आणि हात जोडलेले इमोजी शेअर केली आहे.
2023 मध्ये कियारा अडवाणी आणि सिद्धार्थ मल्होत्रा यांचे लग्न मोठ्या थाटामाटात झाले होते. 2-3 वर्षे गुप्तपणे एकमेकांना डेट केल्यानंतर, दोघांनी दोन वर्षांपूर्वी म्हणजेच 7 फेब्रुवारी रोजी राजस्थानमध्ये शाही विवाह केला होता. आता लग्नाच्या दोन वर्षांनंतर हे जोडपे पालक होणार आहे. (हेही वाचा - Param Sundari: सिद्धार्थ मल्होत्रा आणि जान्हवी कपूर स्टारर 'परम सुंदरी' 25 जुलै 2025 रोजी थिएटरमध्ये होणार प्रदर्शित)
कियारा अडवाणीच्या गरोदरपणाची बातमी ऐकून चाहते अभिनेत्रीवर शुभेच्छांचा वर्षाव करत आहेत. लग्नापासून चाहत्यांना या जोडप्याला पालक होताना पहायचे होते आणि आता दोघांनीही ही आनंदाची बातमी चाहत्यांसोबत शेअर केली आहे. कियाराची ही पोस्ट शेअर होताच चाहत्यांनी कमेंट सेक्शनमध्ये हार्ट इमोजी टाकण्यास सुरुवात केली.
दरम्यान, शिबानी दांडेकर, शर्वरी सारख्या बॉलिवूड स्टार्सनी कियाराचे आणि सिद्धार्थचे अभिनंदन केले आहे. याशिवाय, एका वापरकर्त्याने लिहिले की, तुम्ही दोघेही सर्वोत्तम आई आणि बाबा व्हाल.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)