World’s Leggiest Creature: ऑस्ट्रेलियामध्ये सापडला 1306 पाय असलेला Millipede; ठरला जगातील सर्वात जास्त पाय असलेला जीव
मिलिपीड्स किंवा सहस्रपद हे जमिनीवरील पहिले प्राणी होते आणि आज आपल्याला त्यांच्या 13,000 पेक्षा जास्त प्रजाती माहित आहेत. ऑस्ट्रेलियामध्ये, इनव्हर्टेब्रेट्सच्या काही गटांमध्ये बहुतेक प्रजातींचा समावेश होतो जे अद्याप आपल्याला अज्ञात आहेत
एखाद्या जीवाला एक-दोन नव्हे तर हजारो पाय असतील, यावर तुमचा विश्वास बसेल? नाही ना? पण हे खरे आहे. तुम्ही कल्पना करू शकणार नाही, पण शास्त्रज्ञांनी एक जीव शोधला आहे ज्याला 1306 पाय आहेत. शास्त्रज्ञांनी ऑस्ट्रेलियामध्ये (Australia) एक मिलिपीड (Millipede) शोधला आहे, ज्याला 1306 पाय आहेत. हा 95 मिमी लांब आहे व तो जमिनीच्या 200 फूट खाली सापडला आहे. शास्त्रज्ञांनी 1306 पाय असलेल्या या अनोख्या प्राण्याचे नाव Eumillipes Persephone असे ठेवले आहे. यापूर्वी अमेरिकेतील कॅलिफोर्नियामध्ये 750 फूट मिलिपीड सापडला होता.
आता ऑस्ट्रेलियामध्ये सापडलेला हा जीव पृथ्वीवरील सर्वात जास्त पाय असलेल्या जीव ठरला आहे. शास्त्रज्ञांना खाणकाम करताना 1306 पाय असलेला हा अनोखा प्राणी सापडला आहे. शास्त्रज्ञ याला सजीवांच्या विकासाचा चमत्कार मानत आहेत. तो या प्राण्याला वैज्ञानिक इतिहासाचा एक मोठा शोध सांगत आहे. खाणकामात सापडलेला 1306 पाय असलेला हा प्राणी नर आहे. शास्त्रज्ञांनी सूक्ष्मदर्शकाने हा प्राणी पाहिला आणि त्याचा फोटोही प्रसिद्ध केला.
मिलिपीड शब्दाचा अर्थ, 'मिली' म्हणजे हजार आणि 'पेड' म्हणजे पाय असा होतो. या प्राण्याकडे सूक्ष्मदर्शकाने पाहिल्यावर असे आढळून आले की तो 95 मिलीमीटर लांब आणि 0.95 मिलीमीटर रुंद आहे. यात 330 विभाग आहेत. यात त्रिकोणी अँटेना आणि तोंड आहे. Eumillipes Persephone ची रचना त्याच्या जुन्या प्रजातींपेक्षा खूप वेगळी असल्याचेही आढळले आहे. (हेही वाचा: 'कोरोनापेक्षा अधिक संसर्गजन्य आणि प्राणघातक असेल पुढे येणारी महामारी'; Covid-19 लस बनवणाऱ्या शास्त्रज्ञांचा दावा)
मिलिपीड्स किंवा सहस्रपद हे जमिनीवरील पहिले प्राणी होते आणि आज आपल्याला त्यांच्या 13,000 पेक्षा जास्त प्रजाती माहित आहेत. ऑस्ट्रेलियामध्ये, इनव्हर्टेब्रेट्सच्या काही गटांमध्ये बहुतेक प्रजातींचा समावेश होतो जे अद्याप आपल्याला अज्ञात आहेत. परंतु जगाला त्यांच्याबद्दल माहिती होण्यापूर्वीच त्यापैकी बरेच जण नामशेष झाले असतील.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)