Earthquake In Afghanistan: अफगाणिस्तानला जोरदार भूकंपाचा धक्का; 4.2 रिश्टर स्केल नोंदवण्यात आली तीव्रता

Earthquake In Afghanistan: अफगाणिस्तानात (Afghanistan) शनिवारी भूकंपाचे धक्के (Earthquake) जाणवले. मिळालेल्या माहितीनुसार, भूकंपाची तीव्रता 4.2 इतकी होती. भूकंपानंतर लोकांमध्ये गोंधळ उडाला. लोक घराबाहेर पडले. भूकंपाचे केंद्र उत्तरेकडील बाघलान प्रांताजवळ होते. अफगाण भूगर्भशास्त्र विभागाच्या मते, भूकंपाची खोली 10 किलोमीटर होती. राजधानी काबूल, कुंदुज आणि तखारसह अनेक उत्तर आणि पूर्वेकडील प्रांतांमध्ये भूकंपाचे धक्के जाणवले. स्थानिक लोकांनी सांगितले की, भूकंपाचे धक्के काही सेकंदांसाठी जाणवले. यादरम्यान घरांच्या भिंती, खिडक्या आणि दरवाजे हादरताना दिसले.

जीवित किंवा मालमत्तेचे नुकसान नाही -

भूकंपामुळे कोणत्याही प्रकारची जीवित किंवा वित्तहानी झाल्याचे वृत्त नाही. काही जुन्या घरांमध्ये किरकोळ भेगा पडल्याचे वृत्त आहे. त्याच वेळी, भूकंपाच्या परिस्थितीबाबत आपत्कालीन सेवा आणि प्रशासन सतर्क आहे. शुक्रवारी याआधी चीनमध्येही भूकंपाचे धक्के जाणवले होते. त्याची तीव्रता 4.5 मोजण्यात आली. राष्ट्रीय भूकंपशास्त्र केंद्राच्या म्हणण्यानुसार, हे भूकंप सकाळी 6:30 वाजता झाले. त्याची खोली 10 किलोमीटर होती.

अफगाणिस्तानात भूकंप - 

तुर्कस्तानमध्येही भूकंप -

आशिया खंडात भूकंपाच्या तीव्रता वाढली आहे. गुरुवारी तुर्कीमध्येही भूकंप झाला. तुर्कीच्या आपत्ती आणि आपत्कालीन व्यवस्थापन प्राधिकरणाच्या मते, स्थानिक वेळेनुसार दुपारनंतर भूकंप झाला. रिश्टर स्केलवर मध्यम तीव्रतेच्या या भूकंपाचे केंद्र कोन्या प्रांतात होते.