Pakistan: 'या' 11 लोकांना टीव्हीवर दाखवल्यास वृत्तसंस्थांवर होणार कडक कारवाई; पाकिस्तान सरकारचा TV वाहिन्यांना कडक इशारा
टीव्ही डिबेट किंवा कोणत्याही कार्यक्रमात पत्रकारांसह 11 जणांना स्थान देऊ नये, असे आदेश पाकिस्तान सरकारने (Pakistan Government) वाहिन्यांना दिले आहेत. ज्यांना शिक्षा झाली आहे त्यांच्यावर लष्कर आणि शेहबाज शरीफ (Shahbaz Sharif) यांच्या नेतृत्वाखालील मागील सरकारवर टीका केल्याचा आरोप आहे.
Pakistan: पाकिस्तानच्या मीडिया मॉनिटरिंग संस्थेने (Media Monitoring Organization) लष्कर आणि आधीच्या सरकारवर टीका करणाऱ्या सुमारे डझनभर लोकांवर कारवाई केली आहे. टीव्ही डिबेट किंवा कोणत्याही कार्यक्रमात पत्रकारांसह 11 जणांना स्थान देऊ नये, असे आदेश पाकिस्तान सरकारने (Pakistan Government) वाहिन्यांना दिले आहेत. ज्यांना शिक्षा झाली आहे त्यांच्यावर लष्कर आणि शेहबाज शरीफ (Shahbaz Sharif) यांच्या नेतृत्वाखालील मागील सरकारवर टीका केल्याचा आरोप आहे. तसेच, न्यायालयातून त्यांना गुन्हेगार किंवा फरारी घोषित करण्यात आले आहे.
सिंध उच्च न्यायालयाच्या निर्णयाचा हवाला देऊन, पाकिस्तान इलेक्ट्रॉनिक मीडिया रेग्युलेटरी ऑथॉरिटी (PEMRA) ने शनिवारी एक निर्देश जारी केला की, या लोकांना टेलिव्हिजनवर पाहता येणार नाही. PEMRA अध्यादेश 2002 च्या कलम 27 अंतर्गत या गुन्हेगारांना इलेक्ट्रॉनिक मीडियाच्या कव्हरेजवर बंदी घालण्यात आली आहे. टीव्ही चॅनेल्सनी या व्यक्तींच्या बातम्या, वृत्त, विधाने किंवा टिकर प्रसारित करणे टाळावे. यासोबतच वृत्तवाहिन्यांना निर्देशाचे उल्लंघन केल्यास कठोर शिक्षेचा इशाराही देण्यात आला आहे. यासोबतच PEMRA ने हे प्रकरण तक्रार परिषदेकडे पाठवले आहे. (हेही वाचा - Pakistan Caretaker PM: अन्वर उल हक पाकिस्तानात काळजीवाहू पंतप्रधान, शेहबाज शरीफ यांच्या राजीनाम्यानंतर घेतला निर्णय)
'या' लोकांवर कारवाई केली
- साबीर शाकीर
- मोईद पिरजादा
- वजाहत सईद खान
- शाहीन साह बाई
- आदिल फारुख राजा
- अली नवाज अवान
- मुराद सईद
- हम्माद अझहर
अहवालात म्हटले आहे की शाकीर, पीरजादा, सईद खान आणि सेहबाई हे पत्रकार आहेत जे माजी पंतप्रधान इम्रान खान यांचे समर्थक असल्याचे मानले जाते. यापैकी सईद, अवान आणि अझहर खान हे देखील इम्रान सरकारमध्ये होते. त्याचबरोबर आदिल फारुख राजा हे माजी लष्करप्रमुख असून ते ब्रिटनमध्ये राहतात.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)