Genocide in Nigeria: आफ्रिकन देश नायजेरियामध्ये मोठा नरसंहार; किमान 160 ठार आणि 300 जखमी- Reports
स्थानिक पातळीवर ‘डाकु’ म्हणून ओळखल्या जाणार्या लष्करी टोळ्यांनी कमीतकमी 20 वेगवेगळ्या समुदायांवर हल्ले केले आणि घरांना आग लावली. यामध्ये 300 हून अधिक लोक जखमी झाले असून, ज्यांना बोकोस, जोस आणि बर्किन लाडी येथील रुग्णालयात हलवण्यात आले.
आफ्रिकन देश नायजेरियामध्ये (Nigeria) पुन्हा एकदा नरसंहार (Genocide) झाला आहे. मध्य नायजेरियातील गावांवर झालेल्या हल्ल्यांमध्ये शंभरहून अधिक लोक ठार झाले आहेत. स्थानिक अधिकाऱ्यांनी सोमवारी (25 डिसेंबर) ही माहिती दिली. हा परिसर अनेक वर्षांपासून धार्मिक आणि जातीय तणावाशी झुंजत आहे. नायजेरियातील गावांमध्ये सशस्त्र हल्लेखोरांनी केलेला हा नरसंहार इतका मोठा आहे की, प्रदेशात चहूबाजूंनी मृतदेह विखुरले आहेत.
मध्य नायजेरियातील गावांमध्ये लष्करी गटांनी एकामागून एक अनेक हल्ले केले. मध्य पठारी राज्यात बंदूकधाऱ्यांच्या हल्ल्यात 160 हून अधिक लोक मारले गेले आहेत. अनेक वर्षांपासून धार्मिक आणि वांशिक तणावाने ग्रासलेल्या या प्रदेशातील मृतांच्या संख्येत रविवारी संध्याकाळी लष्कराने नोंदवलेल्या सुरुवातीच्या आकडेवारीच्या तुलनेत झपाट्याने वाढ झाली आहे.
पठारमधील लष्करी नेतृत्वाखालील बहु-सुरक्षा कार्य दलाच्या ऑपरेशन सेफ हेवनचे प्रवक्ते, ओया जेम्स (Oya James) यांनी रविवारी राज्याची राजधानी जोस येथे पत्रकारांना सांगितले की, हा हल्ला बोकोस स्थानिक सरकारी क्षेत्रातील मुशू या गावात झाला. जेम्स म्हणाले की जेव्हा बंदूकधारी गावात घुसले तेव्हा गावकरी झोपले होते. यावेळी अंदाधुंद गोळीबार केला आणि मालमत्तेची नासधूस केली. हल्ल्याचे कारण अद्याप समजू शकले नसून तपास सुरू करण्यात आल्याचे त्यांनी सांगितले. नायजेरियाच्या उत्तरेकडील आणि मध्य भागात सशस्त्र हल्ले हा एक प्रमुख सुरक्षा धोका आहे, ज्यामुळे मृत्यू आणि अपहरण होत आहेत. (हेही वाचा: Ukraine-Russia War: रशियावर युक्रेनचा मोठा हल्ला, रशियन लँडिंग जहाज नोवोचेरकास्कला लक्ष्य, क्रिमियन बंदर नष्ट)
पठार राज्यातील बोकोस येथील स्थानिक सरकारचे प्रमुख मंडे कासाह (Monday Kassah) यांनी एएफपीला सांगितले की, शनिवारचे हल्ले सोमवारी पहाटेपर्यंत सुरू राहिल्याने किमान 113 लोकांचा मृत्यू झाल्याची पुष्टी झाली. कासाह म्हणाले की, स्थानिक पातळीवर ‘डाकु’ म्हणून ओळखल्या जाणार्या लष्करी टोळ्यांनी कमीतकमी 20 वेगवेगळ्या समुदायांवर हल्ले केले आणि घरांना आग लावली. यामध्ये 300 हून अधिक लोक जखमी झाले असून, ज्यांना बोकोस, जोस आणि बर्किन लाडी येथील रुग्णालयात हलवण्यात आले. स्थानिक रेडक्रॉसच्या तात्पुरत्या संख्येनुसार बोकोस प्रदेशातील 18 गावांमध्ये 104 जणांचा मृत्यू झाला आहे. राज्य संसदेचे सदस्य डिक्सन चोलोम यांच्या म्हणण्यानुसार, बार्किन लाडी भागातील अनेक गावांमध्ये किमान 50 लोकांचा मृत्यू झाल्याची माहिती आहे. त्यांनी या हल्ल्यांचा निषेध केला आणि सुरक्षा दलांना त्वरीत कारवाई करण्याचे आवाहन केले.
(The above story first appeared on LatestLY on Dec 26, 2023 07:15 PM IST. For more news and updates on politics, world, sports, entertainment and lifestyle, log on to our website latestly.com).
