Donald Trump vs Elon Musk | (Photo credit: archived, edited, representative image)

US Politics News: अमेरिकेचे माजी राष्ट्राध्यक्ष डोनाल्ड ट्रम्प (Donald Trump) आणि टेस्लाचे सीईओ एलन मस्क (Elon Musk) यांच्यातील संबंध सध्या कमालीचे ताणले गेले आहेत. पूर्वी जवळचे सहकारी मानले गेलेले हे दोन दिग्गज आता एकमेकांवर उघडपणे आरोप करत असून, या वादामुळे टेस्लाच्या (Tesla) बाजारमूल्यात मोठी घट झाली आहे. शिवाय, ट्रम्प यांच्या महत्त्वाच्या आर्थिक विधेयकावरही या वादाचा परिणाम होण्याची शक्यता आहे.

एलन मस्कचा गंभीर आरोप: ट्रम्पचे नाव ‘एपस्टीन फाइल्स’मध्ये

एलन मस्क यांनी जेव्हा एका पोस्टमध्ये असा दावा केला की, डोनाल्ड ट्रम्प यांचे नाव कुख्यात गुंतवणूकदार जेफ्री एपस्टीनच्या फाइल्समध्ये आहे आणि म्हणूनच त्या फाइल्स अद्याप सार्वजनिक झालेल्या नाहीत. या टीप्पणीवरुन वादाला अधिक धार मिळाली. मस्क यांनी ट्रम्प यांचे एपस्टीनवरील जुने वक्तव्यही शेअर केले – 'तो खूप मजेशीर व्यक्ती आहे… त्याला सुंदर महिला आवडतात, त्या काहीशा तरुणही असतात.' (हेही वाचा, Starlink India Launch: भारतात Elon Musk यांच्या स्टारलिंक इंटरनेट सेवेची तयारी, ग्रामीण भागात मिळणार जोडणीचा फायदा)

ट्रम्प यांचा आरोप: मस्कने पाठ फिरवली

जर्मनीचे चान्सलर फ्रेडरिक मर्ज यांच्या भेटीनंतर ओव्हल ऑफिसमध्ये ट्रम्प यांनी पत्रकारांशी बोलताना मस्कच्या वागणुकीबाबत नाराजी व्यक्त केली. 'एलन आणि माझे चांगले संबंध होते, पण आता तसे राहतील का माहीत नाही,' असे सांगून ट्रम्प यांनी पुढे म्हटले की, 'मस्कने हा विधेयक कधीच विरोध केला नाही, पण पद सोडल्यानंतर लगेच विरोध सुरू केला.'

एलन मस्कचे उत्तर: ट्रम्प खोटे बोलत आहेत

ट्रम्प यांच्या विधानांवर मस्क यांनी X (पूर्वीचे ट्विटर) वर तात्काळ उत्तर दिले. 'हे विधेयक मला कधीच दाखवले गेले नाही. रात्रीच्या वेळी हे विधेयक संमत करण्यात आले, इतक्या लवकर की संसदेतल्या बहुतेक लोकांनी ते वाचलेदेखील नाही,' असे त्यांनी लिहिले. तसेच, ट्रम्प यांनी त्यांच्या मदतीमुळेच निवडणूक जिंकली होती, हेही त्यांनी स्पष्ट केले. (हेही वाचा, Donald Trump Threatens 25% Tariff on Apple: 'भारतात नाही तर अमेरिकेत आयफोन बनवा'; डोनाल्ड ट्रम्प यांची अ‍ॅपलवर 25% कर लादण्याची धमकी)

वादाने वैयक्तिक टोक गाठले, स्पेसएक्सवर परिणाम होण्याची शक्यता

मस्क यांनी या वादात असे संकेत दिले की, ते स्पेसएक्सचे ड्रॅगन यान वापरणे थांबवू शकतात, ज्याच्या मदतीने अलीकडे काही अंतराळवीरांना आंतरराष्ट्रीय अंतराळ स्थानकावरून सुरक्षित परत आणण्यात आले होते. अशा कृतीमुळे अमेरिका सरकारचे अंतराळ कार्यक्रमही संकटात सापडू शकतात.

ट्रम्प यांचा इशारा: सरकारी सवलती रद्द करू

ट्रम्प यांनी Truth Social या स्वतःच्या प्लॅटफॉर्मवर मस्कला उद्देशून लिहिले की, 'सरकारचा खर्च वाचवण्याचा सर्वात सोपा मार्ग म्हणजे एलनच्या सरकारी सवलती आणि कंत्राटे रद्द करणे.' यावर मस्क यांनी उत्तर दिले, 'इतका उघडपणे खोटा दावा… फारच दु:खद आहे.'

ट्रम्प यांचा थेट इशारा

मस्क यांची जोरदार प्रतिक्रिया: ट्रम्पला इमपीच करा

मस्क यांनी एक युजरचा पोस्ट शेअर करत त्यावर “Yes” असे लिहिले, ज्यात ट्रम्प यांना इमपीच करून त्यांच्या जागी JD Vance यांना अध्यक्ष करावे, असे म्हटले होते. यासोबतच मस्क यांनी एक पोलही सुरू केला – नवीन राजकीय पक्ष स्थापन करावा का?

टेस्लाचा बाजारभाव 14% नी घसरला, USD 152 अब्जांचा फटका

या वादाचा आर्थिक परिणामही झपाट्याने जाणवला. टेस्लाच्या शेअर्समध्ये 14 टक्क्यांनी घट झाली, ज्यामुळे कंपनीचे एकूण बाजारमूल्य USD 900 अब्जवर आले. या घसरणीमुळे मस्क यांच्या संपत्तीत USD 8.73 अब्जांची घट झाली, अशी माहिती ब्लूमबर्ग बिलियनेअर्स इंडेक्सने दिली आहे.

ट्रम्प यांचे समर्थन: हे विधेयक देशासाठी महत्त्वाचे

ट्रम्प यांनी Truth Social वर पुढे लिहिले, 'हे विधेयक USD 1.6 ट्रिलियन खर्च कपात करत आहे. जर ते संमत झाले नाही, तर 68% टॅक्स वाढ होऊ शकते. हे मी निर्माण केलेले संकट नाही, पण मीच ते सोडवतोय.' त्यांनी पुढे असेही सांगितले की, मस्कला त्यांनीच बाहेर काढले आणि EV मॅन्डेट रद्द केला होता.

मस्कचा खंडन: ट्रम्प खोटे बोलत आहेत

ट्रम्प यांच्या 'EV मॅन्डेट काढून टाकला' या विधानावर प्रतिक्रिया देताना मस्क यांनी पुन्हा एकदा त्यास 'खोटे' ठरवले. युजर Autism Capital यांनी ट्रम्पची पोस्ट शेअर करत “ऑनलाइन युद्ध सुरू झाले” असे म्हटल्यावर मस्क यांनी फक्त 'Such an obvious lie. So sad.' असे लिहिले.

ट्रम्प विरुद्ध मस्क वादाची जोरदार चर्चा

मस्क यांनी ट्रम्प यांच्या सहकाऱ्यांवरही टीका केली

ट्रम्प यांच्या 'बिग, ब्युटीफुल बिल' विषयी बोलताना मस्क यांनी प्रतिनिधीगृहाचे अध्यक्ष माईक जॉन्सन आणि सिनेटमध्ये बहुमत असलेले जॉन थ्यून यांच्याही जुन्या विधानांचा संदर्भ देत सरकारी खर्चावर टीका केली. 'काँग्रेस अमेरिका दिवाळखोरीकडे नेत आहे!' असे मस्क म्हणाले.

काँग्रेसनल बजेट ऑफिसच्या आकडेवारीनुसार, ट्रम्प यांचे विधेयक पुढील 10 वर्षांत USD 2.4 ट्रिलियनची तूट निर्माण करू शकते. आता हा वाद ट्रम्प यांच्या राजकीय भवितव्यालाच नव्हे, तर सरकारच्या प्रमुख योजना आणि मस्कच्या व्यावसायिक साम्राज्यावरही परिणाम करू शकतो.