Afghanistan-Taliban Conflict News: अफगाणिस्थानातील अनेक राज्य ताब्यात घेतल्यानंतर आता तालिबानांची काबुलकडे वाटचाल, राजधानी काबुलच्या बाहेरील भागात केला प्रवेश

अफगाणिस्तानातील (Afghanistan) जलालाबाद (Jalalabad) हे मोठे शहर ताब्यात घेतल्यानंतर आता तालिबानने (Taliban) राजधानी काबुलच्या (capital Kabul) दिशेने वाटचाल केली आहे. अफगाणिस्तानच्या अधिकाऱ्यांच्या मते, तालिबानी बंडखोरांनी काबुलच्या बाहेरील भागात प्रवेश केला आहे. तालिबानी बंडखोर आणि अफगाणिस्तान लष्कर (Afghanistan Army) यांच्यात आतापर्यंत या भागात कोणतेही युद्ध सुरू झालेले नाही. तालिबानने एका निवेदनात म्हटले आहे की त्यांनी काबूल जबरदस्तीने घेण्याची योजना आखली नाही. अफगाणिस्तानच्या तीन अधिकाऱ्यांनी असोसिएटेड प्रेसला सांगितले की तालिबानने रविवारी राजधानी काबुलच्या बाहेरील भागात प्रवेश केला. देशावर अतिरेक्यांच्या कडक पकडीमुळे घाबरलेल्या सरकारी कर्मचाऱ्यांनी त्यांच्या कार्यालयातून पळ काढला. दरम्यान अमेरिकन दूतावासात हेलिकॉप्टर दाखल झाली आहेत. अधिकाऱ्यांनी सांगितले की तालिबान लढाऊ कलाकन, काराबाग आणि पगमन जिल्ह्यात उपस्थित आहेत.  अतिरेक्यांनी यापूर्वी जलालाबादवर कब्जा केला होता.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)