Afghanistan: लग्नात गाणी वाजवल्याने मिळाली शिक्षा, तालिबान्यांनी 13 लोकांना केले ठार
अफगाणिस्तानवर ताबा मिळवल्यानंतर तालिबान्यांची क्रुरता काही कमी होत नाही आहे. अशातच नुकतीच येथील एक धक्कादायक घटना समोर आली आहे. तालिबान्यांच्या तरुणांनी एका लग्नात गाणी वाजवल्याने 13 लोकांना ठार केले आहे.
Afghanistan: अफगाणिस्तानवर ताबा मिळवल्यानंतर तालिबान्यांची क्रुरता काही कमी होत नाही आहे. अशातच नुकतीच येथील एक धक्कादायक घटना समोर आली आहे. तालिबान्यांच्या तरुणांनी एका लग्नात गाणी वाजवल्याने 13 लोकांना ठार केले आहे. हे प्रकरण अफगाणिस्तान मधील नेंगरहार प्रांतातील आहे. याची माहिती अफगाणिस्तानचे माजी उप-राष्ट्रपती अमरुल्लाह सालेह यांनी दिली आहे.(पाकिस्तानात पुन्हा एकदा पूजा स्थळांवर हल्ला, सिंध येथे मंदिरांची तोडफोड आणि चोरी करत धार्मिक दंगली घडवून करण्याचा कट)
अमरुल्लाह सालेह यांनी ट्विट करत म्हटले की, 'नानगरहारमध्ये एका लग्नाच्या पार्टीत संगीत वाजवताना तालिबानी सैनिकांनी 13 जणांची हत्या केली. निषेध करून आपला राग व्यक्त करता येत नाही. 25 वर्षे पाकिस्तानने त्यांना अफगाण संस्कृती नष्ट करण्याचे प्रशिक्षण दिले आणि आमच्या मातीवर कब्जा करून कट्टर आयएसआयची राजवट प्रस्थापित केली. जे आता आपले काम करत आहेत. तालिबानची पाशवी सत्ता फार काळ टिकणार नाही. दुर्दैवाने, ही राजवट संपेपर्यंत अफगाणिस्तानच्या जनतेला त्याची किंमत चुकवावी लागेल.
Tweet:
Taliban militiamen have massacred 13 persons to silence music in a wedding party in Nengarhar. We can't express our rage only by condemnation. For 25 years Pak trained them to kill Afg culture & replace it with ISI tailored fanaticism to control our soil. It is now in works. 1/2
— Amrullah Saleh (@AmrullahSaleh2) October 30, 2021
तालिबानने अफगाणिस्तानचा ताबा घेतला आहे. तालिबानच्या ताब्यानंतर अफगाणिस्तानातील परिस्थितीबद्दल संपूर्ण जगात चिंतेचे वातावरण आहे. त्याच वेळी, 15 ऑगस्ट ते 30 ऑगस्टपर्यंत चाललेल्या संपूर्ण बचाव कार्यात सुमारे दीड लाख लोकांना देशाबाहेर काढण्यात आले. सध्या भारतासह बहुतांश देशांचे दूतावास अफगाणिस्तानातून गेले आहेत. अफगाणिस्तानवर तालिबानच्या ताब्यानंतर, लोक तालिबानच्या निरंकुश आणि अराजक राजवटीला सर्वाधिक घाबरतात. तालिबान पुन्हा एकदा देशात शरिया कायदा लागू करण्याचा प्रयत्न करू शकतात, अशी भीती लोकांना वाटत आहे.
(The above story first appeared on LatestLY on Oct 31, 2021 03:13 PM IST. For more news and updates on politics, world, sports, entertainment and lifestyle, log on to our website latestly.com).
