Acute Food Insecurity in Pakistan: पाकिस्तानमधील 1.1 कोटी लोकांना बसू शकतो तीव्र अन्न असुरक्षिततेचा फटका- FAO Report
पाकिस्तानची अर्थव्यवस्था सध्या प्रचंड संकटात आहे. 2024-25 मध्ये चलनवाढीचा दर 20 टक्क्यांहून अधिक आहे, ज्यामुळे अन्नधान्याच्या किमती सामान्य नागरिकांच्या आवाक्याबाहेर गेल्या आहेत. गहू, तांदूळ आणि तेल यांसारख्या मूलभूत वस्तूंच्या किमती 30-40 टक्क्यांनी वाढल्या आहेत.
संयुक्त राष्ट्रांच्या अन्न आणि कृषी संघटनेने (FAO) आपल्या ताज्या अहवालात खळबळजनक माहिती उघड केली आहे की, पाकिस्तानातील (Pakistan) सुमारे 1.1 कोटी लोकांना तीव्र अन्न असुरक्षिततेचा (Food Insecurity) सामना करावा लागू शकतो. या अहवालानुसार, देशातील 22.6 टक्के लोकसंख्या, म्हणजेच जवळपास 48 कोटी लोकसंख्येपैकी 1.1 कोटी लोक, तीव्र अन्न असुरक्षिततेच्या संकटात आहेत. आर्थिक अस्थिरता, महागाई, दुष्काळ, पूर आणि राजकीय अस्थिरता यामुळे ही परिस्थिती आणखी गंभीर झाली आहे. याशिवाय, 21.4 लाख मुलांना तीव्र कुपोषणाचा सामना करावा लागत आहे, ज्यामुळे पाकिस्तानातील मानवीय संकटाची तीव्रता अधोरेखित झाली आहे.
एफएक्यू आणि जागतिक अन्न कार्यक्रम (WFP) यांच्या संयुक्त अहवालात पाकिस्तानातील तीव्र अन्न असुरक्षिततेची चिंताजनक परिस्थिती समोर आली आहे. इंटिग्रेटेड फेज क्लासिफिकेशन (IPC) विश्लेषणानुसार, देशातील अनेक पूरग्रस्त आणि असुरक्षित ग्रामीण जिल्ह्यांमध्ये, विशेषतः बलुचिस्तान, सिंध आणि खैबर पख्तुनख्वामध्ये, 1.1 कोटी लोक अन्न सुरक्षा संकटाचा सामना करत आहेत. अहवालात असेही नमूद आहे की, 21.4 लाख मुलांना तीव्र कुपोषणाचा सामना करावा लागत आहे, ज्यामुळे त्यांच्या शारीरिक आणि मानसिक विकासावर दीर्घकालीन परिणाम होऊ शकतात. बलुचिस्तानमधील 18 जिल्हे आणि सिंधमधील 16 जिल्ह्यांमध्ये ही परिस्थिती विशेषतः गंभीर आहे, जिथे 26 टक्के ग्रामीण लोकसंख्या तीव्र अन्न असुरक्षिततेच्या संकटात आहे.
गेल्या वर्षीच्या तुलनेत परिस्थितीत सुधारणा झाली असली तरी, तीव्र हवामान परिस्थितीमुळे लोकांच्या जीवनमानावर परिणाम होईल, असेही त्यात म्हटले आहे. पाकिस्तानमध्ये 2024 चा उच्चांक 2023 सारखाच राहिला, नोव्हेंबर 2023 ते जानेवारी 2024 दरम्यान 1.18 कोटी लोकांना तीव्र अन्न असुरक्षिततेचा सामना करावा लागला, असे अहवालात नमूद केले आहे. गर्भवती आणि स्तनपान देणाऱ्या महिलांमध्ये तीव्र कुपोषणाचे प्रमाण जास्त असल्याचेही नोंदवण्यात आले आहे, तसेच विशेषतः सिंध आणि खैबर पख्तूनख्वामध्ये कमी वजनाच्या मुलांचा जन्म झाल्याचे प्रमाणही जास्त आहे.
दरम्यान, पाकिस्तानची अर्थव्यवस्था सध्या प्रचंड संकटात आहे. 2024-25 मध्ये चलनवाढीचा दर 20 टक्क्यांहून अधिक आहे, ज्यामुळे अन्नधान्याच्या किमती सामान्य नागरिकांच्या आवाक्याबाहेर गेल्या आहेत. गहू, तांदूळ आणि तेल यांसारख्या मूलभूत वस्तूंच्या किमती 30-40 टक्क्यांनी वाढल्या आहेत. 2022 च्या प्रलयंकारी पुरामुळे आणि 2024 मधील दुष्काळामुळे शेतीवर मोठा परिणाम झाला. पुरामुळे सुमारे 80 लाख हेक्टर शेतीचे नुकसान झाले, तर दुष्काळामुळे पाण्याची कमतरता निर्माण झाली, ज्यामुळे पिकांचे उत्पादन 20 टक्क्यांनी कमी झाले.