World’s largest iPhone | Photo Credit- YouTube Screenshot)

भारतीय वंशाचा YouTuber रुपेश मैनी, ज्याला Mrwhosetheboss म्हणून ओळखले जाते. त्याने सर्वात मोठा कार्यक्षम iPhone 15 Pro Max तयार करून गिनीज वर्ल्ड रेकॉर्ड (Guinness World Record) स्थापित केला आहे. अवाढव्य 6.74-फूट-उंच आयफोन नियमित स्मार्टफोनची सर्व आवश्यक कामे करू शकतो, ज्यात मजकूर पाठवणे, कॉल करणे आणि विविध ॲप्स चालवणे यांचा समावेश  आहे. रुपेश याने त्याचा सहकारी YouTuber मॅथ्यू पर्क्स, उर्फ ​​DIY पर्क्स याच्या मदतीने, 88-इंच OLED टीव्ही स्क्रीन वापरून जगातील सर्वात मोठा आयफोन (World’s largest iPhone) तयार करून बालपणीचे स्वप्न साकार केले. वर्तमान विश्वातील प्रचंड मोठा आयफोन केवळ शोभेसाठी नाही. तर तो पूर्णपणे कार्यरत आहे. महत्त्वाचे म्हणजे त्यात मजकूर संदेशन, ईमेल, मोबाईल ऍप्लिकेशन्स, फोटो कॅप्चरिंग आणि अगदी कार्यरत USB-C चार्जिंग पोर्ट यासारख्या वैशिष्ट्यांचा समावेश आहे, जे जगातील सर्वात मोठ्या USB-C केबलसह पूर्ण आहे.

बालपणीचे स्वप्न साकार झाले

मैनीने शेअर केले की, या प्रकल्पासाठी त्याची प्रेरणा विश्वविक्रम प्रस्थापित करण्याच्या आजीवन इच्छेतून निर्माण झाली. अशा प्रकारचा स्मार्टफोन बनविण्याचे स्वप्न त्याने बालपणीच पाहिले होते. "मोठी झाल्यावर, नवनवीन गिनीज वर्ल्ड रेकॉर्ड पुस्तके वाचण्यासाठी मी तासनतास लायब्ररीमध्ये बसलेला," असे मौनीने GWR सोबत बोलताना सांगितले आणि पुढे म्हटले, "एखादा पुरस्कार मिळवणे स्वतःला अगदी अवास्तव वाटते." यशस्वी प्रकल्प YouTuber साठी 'full circle moment' म्हणून अधोरेखीत होतो. तो सांगतो, गिनीज वर्ल्ड रेकॉर्ड स्थापित करण्याचे त्याचे बालपणीचे स्वप्न पूर्ण करत आहे. रेकॉर्डब्रेक आयफोनचे प्रदर्शन करणारा व्हिडिओ 6 सप्टेंबर रोजी YouTube वर पोस्ट करण्यात आला आणि तेव्हापासून त्याला 31 लाखांहून अधिक व्ह्यूज मिळाले आहेत. (हेही वाचा, Google Warning: गुगलकडून अलर्ट जारी; लाखो युजर्सना हॅकिंगचा धोका, चुकूनही 'हे' करू नका)

व्हायरल खळबळ

YouTuber च्या अनोख्या प्रयत्नाचे चाहत्यांनी जोरदार कौतुक केले आहे. त्याच्या नाविन्यपूर्ण निर्मितीने इंटरनेटवर जोरदार चर्चा सुरु केली आहे. सोशल मीडिया वापरकर्त्यांनी व्हिडिओच्या कमेंट सेक्शनमध्ये त्याचे कौतुक केले आहे. जगातील सर्वात मोठ्या iPhone ने Mrwhosetheboss कडून क्रिएटिव्ह टेक सामग्रीची निर्मिती करुन तंत्रज्ञान उत्साही लोकांमध्ये उत्साह आणि आश्चर्य व्यक्त केले आहे. (हेही वाचा : Viral Video: न्यूरालिंकने एका व्यक्तीच्या मेंदूत यशस्वीरित्या बसवली चिप, फक्त मनात विचार करून चालवला लॅपटॉप )

जगातील सर्वात मोठा iPhone कसा दिसतो? (Watch)

विक्रमी कामगिरी

अभ्यासक सांगतात की, Maini आणि Perks मधील सहयोग नावीन्य आणि सर्जनशीलता एकत्र करण्याची उल्लेखनीय क्षमता प्रदर्शित करते. त्यांचे यश केवळ आधुनिक तंत्रज्ञानाच्या क्षमतांवर प्रकाश टाकत नाही तर इतरांना त्यांच्या अद्वितीय आवडींचा पाठपुरावा करण्यास प्रेरित करते, असे ते सांगतात. जगातील सर्वात मोठा iPhone लक्ष वेधून घेत असताना, तंत्रज्ञानाच्या जगात जे शक्य आहे त्या सीमा ओलांडण्याच्या त्यांच्या कल्पकतेबद्दल आणि प्रयत्नांसाठी दोन्ही निर्मात्यांचे कौतुक केले जात आहे.

Disclaimer: