Planetary Alignment 2025: आकाशात दिसणार ग्रहांची परेड; सर्व 7 ग्रह एका रेषेत येणार, 28 फेब्रुवारीला पाहू शकाल हे दुर्मिळ दृश्य
जानेवारी 2025 पासून सहा ग्रहांचे संरेखन दिसून येत आहे- शुक्र, मंगळ, गुरू, शनि, युरेनस आणि नेपच्यून. ग्रहांची परेड म्हणून ओळखली जाणारी ही घटना 18 जानेवारीपासून दृश्यमान होत आहे. यानंतर, फेब्रुवारीमध्ये बुध ग्रह देखील आकाशात दिसेल.
महाकुंभाच्या समाप्तीसह, आकाशात एक अद्भुत घटना घडणार आहे. येत्या 28 फेब्रुवारी 2025 रोजी आकाशात एक दुर्मिळ दृश्य दिसेल. खगोलशास्त्रज्ञांच्या मते, या काळात सूर्यमालेतील 7 ग्रह अंतराळात एकत्र फिरताना दिसतील. म्हणजे हे सर्व ग्रह एका सरळ रेषेत दिसतील. शास्त्रज्ञांचे म्हणणे आहे की, या अनोख्या घटनेला प्लॅनेटरी अलाइनमेंट किंवा प्लॅनेट परेड (Planetary Alignment 2025) म्हणतात. अंतराळात घडणारी ही घटना अत्यंत दुर्मिळ असल्याचे शास्त्रज्ञांचे म्हणणे आहे. हा दुर्मिळ योगायोग पाहण्यासाठी, 28 फेब्रुवारीनंतर 15 वर्षे वाट पहावी लागू शकते. शास्त्रज्ञांच्या मते, जर 28 फेब्रुवारी रोजी हवामान स्वच्छ असेल तर युरेनस आणि नेपच्यून वगळता सर्व ग्रह उघड्या डोळ्यांनी पाहता येतील.
आपल्या सौर मंडळातील सर्व ग्रह सूर्याभोवती फिरत राहतात. जेव्हा सर्व ग्रह सूर्याच्या एका बाजूला सरळ रेषेत असतात तेव्हा आपल्याला असे दिसते की सर्व ग्रह एका सरळ रेषेत आहेत, ज्याला ग्रह परेड म्हणतात. या ग्रह परेडमध्ये सहसा आपल्याला फक्त गुरु, शुक्र, मंगळ आणि शनि असे ग्रह दिसतात. युरेनस आणि नेपच्यून पाहण्यासाठी दुर्बिणीची आवश्यकता आहे. पृथ्वीपासून जास्त अंतर असल्याने ते उघड्या डोळ्यांनी पाहता येत नाहीत. शास्त्रज्ञांच्या मते, या ग्रह परेडमध्ये तीन ते आठ ग्रह सहभागी होतात.
जानेवारी 2025 पासून सहा ग्रहांचे संरेखन दिसून येत आहे- शुक्र, मंगळ, गुरू, शनि, युरेनस आणि नेपच्यून. ग्रहांची परेड म्हणून ओळखली जाणारी ही घटना 18 जानेवारीपासून दृश्यमान होत आहे. यानंतर, फेब्रुवारीमध्ये बुध ग्रह देखील आकाशात दिसेल. त्यानंतर 28 फेब्रुवारी 2025 रोजी ते शिखरावर पोहोचेल, जेव्हा सर्व सात ग्रह एकत्र येतील. ग्रहांचे संरेखन अत्यंत दुर्मिळ नसले तरी, दरवर्षी ते घडत नाही. ग्रह हळूहळू हालचाल करतात आणि जेव्हा सर्व सात ग्रह एका रांगेत दिसतात तेव्हा ती एक दुर्मिळ घटना बनते. (हेही वाचा: Surya Grahan 2025: यंदाच्या वर्षातील पहिलं सूर्यग्रहण कधी? भारतामधून दिसणार का? घ्या जाणून)
जर तुम्हाला भारतात हे दृश्य पहायचे असेल तर ते कुठूनही पाहता येईल. मात्र, ही आश्चर्यकारक खगोलीय घटना पाहण्यासाठी आपल्याला शहरापासून दूर एका मोकळ्या मैदानात जावे लागेल, जिथून हे दृश्य स्पष्टपणे दिसेल. जर हवामान स्वच्छ नसेल तर दुर्बिणीच्या मदतीने हा दुर्मिळ योगायोग पाहता येईल. ही खगोलीय घटना पाहण्याचा सर्वोत्तम वेळ सूर्यास्तानंतर अंदाजे 45 मिनिटे आहे.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)