तब्बल 7 हजार रुपयांनी स्वस्त झाला Oppo कंपनीचा 'हा' जबरदस्त स्मार्टफोन!

प्रीमियम स्मार्टफोन (Premium Smartphone) खरेदी करण्याच्या विचार करणाऱ्यांसाठी ओप्पो (Oppo) कंपनीने मोठी संधी उपलब्ध करून दिली आहे. ओप्पोने आपला प्रीमियम स्मार्टफोन फाइंड एक्स 2 च्या (Oppo Find X2) किंमतीत मोठी कपात केली आहे. ओप्पो फाइंड एक्स 2 हा स्मार्टफोन गेल्या वर्षी जून महिन्यात लॉन्च झाला होता. त्यावेळी या स्मार्टफोनची किंमत 64 हजार 990 रुपये होती. मात्र, आता या स्मार्टफोनच्या किंमतीत 7 रुपयांची कपात करण्यात आली आहे. यामुळे स्मार्टफोन चाहत्यांना ओप्पो फाइंड एक्स 2 खरेदी करण्यासाठी 57 हजार 990 रुपये द्यावा लागणार आहेत.

ओप्पो फाइंड एक्स 2 स्मार्टफोनमध्ये 6.7 इंचाचा क्वाड एचडी प्लस डिस्प्ले देण्यात आला आहे. त्याचा रीफ्रेश दर 120 हर्ट्झ आहे. स्क्रीन संरक्षणासाठी फोनमध्ये कॉर्निंग गोरिल्ला ग्लास 6 वापरला गेला आहे. प्रोसेसर म्हणून फोनमध्ये क्वालकॉम स्नॅपड्रॅगन 865 देण्यात आला आहे. हा स्मार्टफोन एड्रेनो 650 जीपीयू सपोर्ट करतो. ओप्पो फाइंड एक्स 2 स्मार्टफोन अँड्रॉइड 10 बेस्ड कलरओएस 7.1 वर कार्य करेल. या स्मार्टफोनमध्ये ड्युअल सिम कनेक्टिव्हिटीसह इन-डिस्प्ले फिंगरप्रिंट सेन्सरदेखील देण्यात आला आहे. हे देखील वाचा- OnePlus Nord ला टक्कर देण्यासाठी Moto G100 5G लॉन्च, जाणून घ्या किंमतीसह खासियत

ओप्पो फाइंड एक्स 2 स्मार्टफोनमध्ये ट्रिपल रियर कॅमेरा सेटअप देण्यात आला आहे. या स्मार्टफोनचा प्रायमरी कॅमेरा 48 एमपी आहे. या व्यतिरिक्त, 12 एमपी अल्ट्रा-वाइड अँगल लेन्स आणि 13 एमपी टेलिफोटो लेन्सचा समावेश आहे.. सेल्फी आणि व्हिडिओ कॉलिंगसाठी फोनमध्ये 32 एमपी कॅमेरा देण्यात आला आहे. पॉवरबॅकसाठी फोनमध्ये 4 हजार 200 एमएएच बॅटरीचा समावेश करण्यात आल आहे, जी 65 डब्ल्यू सुपरव्हीओसी फ्लॅश चार्जिंग सपोर्टसह येते. कंपनीच्या दाव्यानुसार, सुपरव्हीओसी फ्लॅश चार्जिंग तंत्रज्ञानाच्या मदतीने फोनची बॅटरी 10 मिनिटांत 40% तर, 38 मिनिटांत पूर्ण चार्ज केली जाऊ शकते.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)