Lamborghini wireless headphones and earphones (PC - Twitter)

Lamborghini Wireless Headphone: वाहन निर्माता लॅम्बोर्गिनी (Lamborghini) सुपर कारसाठी प्रसिद्ध आहे. आता ही कंपनी जीवनशैलीतील उपकरणावर लक्ष देत आहे. या क्रमवारीत कंपनीने वायरलेस हेडफोन (Wireless Headphone) आणि इअरफोनची (Earphones) नवीन श्रेणी बाजारात आणली आहे. लॅम्बोर्गिनीने शुक्रवारी जाहीर केले की, न्यूयॉर्क आधारित प्रीमियम ऑडिओ ब्रँड्स मास्टर आणि डायनॅमिकसोबत भागीदारी केली आहे.

तीन रंगात लाँच केले वायरलेस हेडफोन: कंपनी हे वायरलेस हेडफोन सिल्व्हर, ब्लॅक आणि यलो या तीन रंगांमध्ये लाँच केले आहेत. जे अल्काटारा नावाच्या मटेरियलपासून बनविलेले आहेत. ही सामग्री लॅम्बोर्गिनी कारच्या अंतर्गत भागात वापरली जाते. (हेही वाचा - Micromax IN Note1 स्मार्टफोन येत्या 24 नोव्हेंबरला सेलसाठी होणार उपलब्ध, जाणून घ्या किंमतीसह ऑफर बद्दल)

बॅटरी 40 तासांपर्यंत चालेल: या हेडफोन्सचे वैशिष्ट्य म्हणजे ओव्हर-इयर हेडफोन्स 24-तास बॅटरी लाइफसह येतात आणि MW07 इयरफोन स्वत: च्या स्टेनलेस स्टील चार्जिंग केसमध्ये येतात. ज्याची बॅटरी लाईफ 40 तासांपर्यंत देण्यात आली आहे. याशिवाय यात ब्लूटूथ 5.0 कनेक्टिव्हिटी आणि 30 फूट किंवा 100 मीटर ब्लूटूथ रेंज देण्यात आली आहे.

किंमत: MW07 वायरलेस इयरफोन आणि MW65 सक्रिय हेडफोन्सची किंमत अनुक्रमे $ 350 आणि 550 डॉलर निश्चित केली गेली आहे. याची भारतीय रुपयांमध्ये किंमत जवळपास 25,000 आणि 40,000 इतकी आहे. (हेही वाचा - Jio, Airtel आणि Vodafone-idea चे 'हे' आहेत सर्वात स्वस्त प्रीपेड प्लान; पहा संपूर्ण लिस्ट)

यासंदर्भात बोलताना कंपनीने सांगितले की, हा अशा लोकांशी संपर्क साधण्याचा मार्ग आहे, जे प्रत्येक गोष्टीवर विश्वास ठेवतात आणि त्याचा अनुभवू घेऊ इच्छितात. मास्टर अॅन्ड डायनॅमिकचे संस्थापक आणि मुख्य कार्यकारी अधिकारी जोनाथन लेव्हिनने सांगितलं की, जेव्हा जेव्हा मी लॅम्बोर्गिनी पाहतो, ती भावना आणि उत्साह आजही माझ्याबरोबर आहे. अशा तल्लख प्रतिसादाची सुरूवात करणारी एखादी गोष्ट तयार करण्याचा माझा नेहमीच मास्टर आणि डायनॅमिकवरील हेतू आहे.