Happy New Year 2025 (File Image)

Happy New Year 2025 Wishes, Quotes and Greeting Cards: नवीन वर्ष 2025 (New Year 2025) जस जसे जवळ येत आहे, तस तसे जगभरातील लोक एकमेकांवर शुभेच्छांचा वर्षाव करू लागले आहेत. दरवर्षी लोक नवीन वर्षाच्या शुभेच्छा पाठवण्याचे अनोखे मार्ग शोधत असत्तात. आता यावेळी एआयची (AI) अनेक टूल्स त्यांच्या मदतीला आहेत. एआयच्या वाढीमुळे वैयक्तिक किंवा व्यावसायिक वापरासाठी वैयक्तिकृत नवीन वर्षाच्या शुभेच्छा, कोट्स आणि ग्रीटिंग कार्ड्स तयार करणे सोपे झाले आहे. मेटा एआय, जेमिनी आणि चॅटजीपीटी सारखे एआय प्लॅटफॉर्म्स असे शुभेच्छा संदेश तयार करण्यासाठी विविध टूल्स ऑफर करतात. हे तंत्रज्ञाने वापरकर्त्यांना लहान शुभेच्छांपासून ते विस्तृत कोट्सपर्यंत, विशिष्ट शुभेच्छा तयार करण्यास मदत करते.

आजकाल ग्रीटिंग्ज तयार करण्यासाठी लाखो लोक या प्लॅटफॉर्मकडे वळत आहेत. एआयद्वारे तयार केलेले हे नवीन वर्षाचे संदेश अधिकाधिक लोकप्रियही होत आहेत. एआय प्रत्येक वापरकर्त्यासाठी युजरला जसे हवे तसे अर्थपूर्ण संदेश तयार करू शकते. तुम्ही देखील नवीन वर्षाच्या शुभेच्छा, कोट्स आणि ग्रीटिंग कार्ड्स तयार करण्यासाठी Meta AI, Gemini आणि ChatGPT चा वापर करू शकतात. (हेही वाचा: Happy New Year 2025 Celebrations: जपान, सिंगापूरमध्ये नवीन वर्षे 2025 चे उत्साहात स्वागत; फटाक्यांच्या आतषबाजीने उजळली शहरे)

Meta AI चा वापर करून तयार करा नवीन वर्ष 2025 च्या शुभेच्छा, कोट्स आणि ग्रीटिंग कार्ड-

  • संदेश जनरेट करण्यासाठी WhatsApp AI किंवा Meta's Messenger सारखे मेटाचे एआय टूल उघडा.

  • नंतर कोणत्या प्रकारचे संदेश हवे आहेत त्याबाबत माहिती नमूद करा. उदा-औपचारिक, विनोदी इ.

  • त्यांनतर कशा प्रकारचे व कोणाला पाठवण्यासाठी संदेश हवे आहेत याबाबत नमूद करा. उदा- मित्र, सहकारी, कुटुंब.

  • आवश्यक असल्यास तुम्ही तयार झालेल्या संदेशामध्ये बदल करू शकता.

  • त्यांनतर Canva सारखे टूल वापरून तुम्ही संदेश कार्ड डिझाइन करू शकता. यामध्ये तुम्ही फोटो, व्हिडीओदेखील जोडू शकता.

  • त्यानंतर कार्ड सेव्ह करा आणि मेटाच्या प्लॅटफॉर्मद्वारे शुभेच्छा शेअर करा.

जेमिनी वापरून नवीन वर्ष 2025 ग्रीटिंग तयार करा-

  • प्रतिमा निर्मितीसाठी जेमिनीमधील Midjourney किंवा DALL-E 2 सारखे प्लॅटफॉर्म वापरा.

  • डिझाइन, थीम आणि कोणत्या प्रकारचे संदेश हवे आहेत याबाबत माहिती नमूद करा.

  • तुमचा प्रॉम्प्ट इनपुट करा आणि त्यानंतर एआय प्रतिमा निर्माण करेल.

  • आवश्यक असल्यास प्रॉम्प्ट किंवा पॅरामीटर्समध्ये बदल करा.

  • नंतर संदेश अजून आकर्षित बनवण्यासाठी तुम्ही Canva किंवा Adobe Express सारखी डिझाइन साधने वापरू शकता.

  • अखेर ग्रीटिंग कार्ड किंवा संदेश सेव्ह करून तो आपल्या प्रियजनांना शेअर करू शकता.

ChatGPT वापरून नवीन वर्ष 2025 च्या शुभेच्छा तयार करा-

  • तुमच्या डिव्हाइसवर ChatGPT प्लॅटफॉर्म उघडा आणि तुम्हाला हवा असलेला संदेशाचा प्रकार निर्दिष्ट करा.

  • तुम्हाला औपचारिक, अनौपचारिक किंवा विनोदी संदेश हवा असल्यास तसा उल्लेख करा.

  • त्यानंतर इतर तपशील समाविष्ट करा, जसे की, संदेशामध्ये नक्की काय हवे आहे , प्राप्तकर्त्याचे नाव इ.

  • ChatGPT ला तुमच्या सूचनांवर आधारित संदेश किंवा कोट तयार करेल.

  • नंतर Canva सारखे टूल वापरून कार्ड अधिक आकर्षित बनवा.

  • त्यानंतर हे नवीन वर्षाच्या शुभेच्छा 2025 कार्ड किंवा संदेश डाउनलोड करा आणि शेअर करा.

    दरम्यान, पीटीआय अहवालानुसार, जगभरातील लाखो लोक त्यांचे नवीन वर्षाचे संदेश तयार करण्यासाठी Meta AI, Gemini आणि ChatGPT वापरत आहेत. ही एआय टूल्स केवळ आपले जीवनच सोपे करत नाहीत, तर सर्जनशीलतेला चालनाही देत ​​आहेत.