IND vs SL: सूर्यकुमार यादवने बाबर आझम आणि लोकेश राहुलला टाकले मागे, नावावर केला 'हा' नवीन विक्रम
सूर्यकुमार यादवने जुलै 2022 मध्ये भारताकडून इंग्लंडविरुद्ध टी-20 मध्ये पहिले शतक झळकावले. त्याने 55 चेंडूत 117 धावांची खेळी केली. यानंतर नोव्हेंबर 2022 मध्ये त्याने न्यूझीलंडविरुद्ध 51 चेंडूत नाबाद 111 धावांची खेळी केली.
श्रीलंकेविरुद्धच्या टी-20 मालिकेतील तिसऱ्या आणि शेवटच्या सामन्यात (IND vs SL) सूर्यकुमार यादवने (Suryakumar Yadav) शानदार शतक झळकावले. एका वर्षातच त्याने भारतासाठी तिसऱ्यांदा T20 क्रिकेटमध्ये शतक झळकावले आणि अनेक विक्रम आपल्या नावावर केले. आंतरराष्ट्रीय टी20 क्रिकेटमधील सूर्याचे हे तिसरे शतक होते. या खेळीने त्याने भारताच्या लोकेश राहुल आणि पाकिस्तानच्या बाबर आझमसह अनेक फलंदाजांना मागे टाकले आहे. या दोन्ही फलंदाजांनी आंतरराष्ट्रीय T20 क्रिकेटमध्ये दोन शतके झळकावली आहेत. तर, सूर्यकुमार यादवने हा पराक्रम तीनदा केला आहे. आता फक्त भारतीय कर्णधार रोहित शर्मा टी-20 आंतरराष्ट्रीय क्रिकेटमध्ये शतक झळकावण्यात सूर्यकुमारच्या पुढे आहे.
रोहितने भारतासाठी T20 मध्ये चार शतके झळकावली आहेत आणि आंतरराष्ट्रीय T20 क्रिकेटमध्ये सर्वाधिक शतके करणारा तो फलंदाज आहे. सूर्यकुमार मॅक्सवेल आणि मुनरोच्या क्लबमध्ये सामील झाला आहे. या दोन्ही फलंदाजांनी आंतरराष्ट्रीय टी20 क्रिकेटमध्ये तीन शतके झळकावली आहेत. झेक प्रजासत्ताकच्या द्विजीनेही आपल्या देशासाठी टी-20 मध्ये तीन शतके झळकावली आहेत, परंतु तो सहयोगी संघाचा भाग आहे. हेही वाचा IND vs SL 3rd T20: तिसऱ्या सामन्यात टीम इंडियाने श्रीलंकेचा 91 धावांनी उडवला धुव्वा, मालिका 2-1 ने घातली खिशात
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)