IND vs ENG Test: अष्टपैलू रवींद्र जडेजाने आंतरराष्ट्रीय क्रिकेटमध्ये केला 'हा' अनोखा विक्रम

भारत आणि इंग्लंड (IND vs ENG) दरम्यान सुरू असलेल्या पाच कसोटी (Test Match) सामन्यांच्या मालिकेतील तिसरा सामना लीड्समध्ये खेळला जात आहे. टीम इंडियाचा (Team India) अष्टपैलू रवींद्र जडेजाने (All-rounder Ravindra Jadeja) आंतरराष्ट्रीय क्रिकेटमध्ये एक अनोखा विक्रम केला आहे. तिसऱ्या कसोटी सामन्याच्या पहिल्या डावात रवींद्र जडेजाने दोन बळी (Wickets) घेतले. यासह, त्याने कसोटी, एकदिवसीय आणि टी -20 स्वरूपांसह आंतरराष्ट्रीय क्रिकेटमध्ये 450 विकेट्स घेतल्या आहेत. जडेजाने 4500 पेक्षा जास्त धावा (Runs) केल्या आहेत. रवींद्र जडेजाच्या आधी हा पराक्रम भारताचा माजी कर्णधार कपिल देवने (kapil dev) केला होता. लीड्स कसोटीच्या पहिल्या डावात रवींद्र जडेजाने इंग्लंडचे फलंदाज हसीब हमीद आणि मोईन अली`(Moin Ali) यांना पॅव्हेलियनमध्ये पाठवले. जडेजाने 273 सामन्यांमध्ये 450 विकेट्स घेतल्या आहेत.

जडेजाने 10 वेळा 5 विकेट्स घेतल्या आहेत. जडेजाने 32 च्या सरासरीने 4716 धावाही केल्या आहेत. एका शतकासह. जडेजाने केवळ बॅट आणि चेंडूनेच नव्हे तर त्याच्या क्षेत्ररक्षणाद्वारे लोकांना आश्चर्यचकित केले आहे. जडेजाच्या नावावर 120 झेल आहेत. दुसरीकडे भारताचा माजी कर्णधार कपिल देवने 356 सामन्यांमध्ये 687 विकेट्स घेत 9031 धावा केल्या आहेत. या दरम्यान कपिल देवने 9 शतके देखील केली आहेत. तसेच 24 वेळा 5 विकेट घेण्याचा अनोखा विक्रम केला.