US Open 2020: सुमित नागल पहिल्यांदा ग्रँड स्लॅम स्पर्धेच्या दुसऱ्या फेरीत, भारताची 7 वर्षाची प्रतीक्षा संपुष्टात
भारताचा अव्वल मानांकित पुरुष एकेरीपटू सुमित नागलने कारकीर्दीत पहिल्यांदा ग्रँड स्लॅमच्या दुसर्‍या फेरीत प्रवेश केला. सुमितने न्यूयॉर्क येथे सुरु असलेल्या यूएस ओपन टेनिस ग्रँड स्लॅमच्या पहिल्या फेरीत अमेरीच्या ब्रॅडली क्लानविरुद्ध 6-1, 6-3, 3-6, 6-1 असा विजय मिळवला. नागल 2013 मध्ये सोमदेव देववर्मननंतर ग्रँड स्लॅम मुख्य ड्रॉ सामना जिंकणारा पहिला भारतीय पुरुष एकेरी खेळाडू ठरला.
भारताचा अव्वल मानांकित पुरुष एकेरीपटू सुमित नागलने (Sumit Nagal) कारकीर्दीत पहिल्यांदा ग्रँड स्लॅमच्या दुसर्‍या फेरीत प्रवेश केला. सुमितने न्यूयॉर्क येथे सुरु असलेल्या यूएस ओपन (US Open) टेनिस ग्रँड स्लॅमच्या पहिल्या फेरीत अमेरीच्या ब्रॅडली क्लानविरुद्ध (Bradley Klahn) 6-1, 6-3, 3-6, 6-1 असा चार सेटमध्ये विजय मिळवला. जगातील 124 व्या क्रमांकावर असलेला नागल 2013 मध्ये सोमदेव देववर्मननंतर (Somdev Devvarman)
ग्रँड स्लॅम मुख्य ड्रॉ सामना जिंकणारा पहिला भारतीय पुरुष एकेरी खेळाडू ठरला. 2013 मध्ये विम्बल्डन वगळता सोमदेवने 3 ग्रँड स्लॅमची दुसर्‍या फेरी गाठली होती. दरम्यान, दुसर्‍या फेरीत 23 वर्षीय नागलचा ऑस्ट्रियाच्या डोमिनिक थीमशी (Dominic Thiem) सामना होईल. उल्लेखनीय म्हणजे सुमित यूएस ओपन मुख्य ड्रॉमध्ये सलग दुसऱ्यांदा झळकला आहे. गेल्या वर्षी पहिल्या फेरीत नागलला 20 ग्रँड स्लॅम चॅम्पियन रॉजर फेडररकडून पराभव पत्करावा लागला होता, पण आर्थर अशे स्टेडियमवर 4-6, 6-1, 6-2, 6-4 ने पराभूत होण्यापूर्वी सुमितने पहिला सेट जिंकून फेडररला घाबरून सोडले होते.
गुरूवारी आर्थर ऍश स्टेडियमवर सुमित परत येईल. त्याचा सामना द्वितीय मानांकित डोमिनिक थीमशी होईल, ज्याने त्याचा सामना प्रतिस्पर्धी जौमे मुनारने पहिल्या फेरीच्या सामन्यात निवृत्ती घेतल्यानंतर दुसर्‍या फेरीत प्रवेश केला. प्राग चॅलेन्जरमधील उपांत्यपूर्व फेरी गाठल्यावर युएस ओपनमध्ये प्रवेश करत नागलने आपला फॉर्म कायम ठेवला. प्राग चॅलेंजरमध्ये स्टॅन वावरिंकाकडून पराभव पत्करावा लागला. 2015 मध्ये नागलने ज्युनियर विम्बल्डनने दुहेरीचे जेतेपद जिंकले.
यूएस ओपनच्या पहिल्या फेरीच्या दुसर्‍या सामन्यात अँडी मरेने ग्रँड स्लॅमवर एकेरीचे विजेतेपद मिळवण्याच्या आशा जागा ठेवल्या. मरेने पहिल्या फेरीत जपानच्या योशीहितो निशियोकाविरुद्ध शानदार पुनरागमन केले आणि दुसऱ्या फेरीत प्रवेश मिळवला. सुरुवातीला मुरे फारसे सामर्थ्य दाखवू शकला नाही, परंतु नंतर तो परतला आणि मॅच पॉइंट वाचवून सामना जिंकला. 33 वर्षीय ब्रिटीश खेळाडू अँडी मरेने जपानी खेळाडूचा 4-6 4-6 7-6 (7-5) 7-6 (7-4) 6-4 असा पराभव केला. 2019 मध्ये ऑस्ट्रेलियन ओपन येथे मरेने शेवटचा महत्त्वाचा सामना खेळला. त्यानंतर त्याला दुखापतीमुळे शस्त्रक्रिया करावी लागली ज्यांनंतर त्याने स्पर्धात्मक टेनिसमध्ये पुनरागमन केले.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)