Pro Kabaddi League 2019: गुजरात फॉर्च्यून जायंट्स संघाचा यूपी योद्धा संघावर 44-19 ने एकतर्फी विजय
प्रो कबड्डी लीगच्या सातव्या सीजनमधील 10 वा सामना गुजरात फॉर्च्यूनजायंट्स आणि यूपी योद्धा यांच्यात हेद्राबादमधील गाचीबावली इंडोर स्टेडिअमवर रंगला.
प्रो कबड्डी लीगच्या सातव्या सीजनमधील 10 वा सामना गुजरात फॉर्च्यून जायंट्स (Gujarat Fortune Giants) आणि यूपी योद्धा (UP Yoddha) यांच्यात हेद्राबादमधील गाचीबावली इंडोर स्टेडिअमवर रंगला. या एकतर्फी सामन्यात गुजरात फॉर्च्यून जायंट्स संघाने यूपी योद्धा संघावर 44-19 ने मात केली.
गुजरात फॉर्च्यून जायंट्स संघाचा हा सलग दुसरा विजय ठरला. तर यूपी योद्धा संघाचा हा सलग दुसरा पराभव आहे. यूपीच्या संघाला पहिल्या सामन्यात बंगाल वॉरियर्सने 17-48 ने हरवले होते. तर गुजरात संघाने पहिल्या सामन्यात बंगलोर बुल्स संघाचा 42-24 ने पराभव केला होता.
प्रो कबड्डी ट्विट:
Garja Gujarat, Barsa Gujarat! 😎
Don't go anywhere, for we will be back with the 2nd #VIVOProKabaddi match of the night! #UPvGUJ #IsseToughKuchNahi
— ProKabaddi (@ProKabaddi) July 26, 2019
या सामन्यात गुजरात फॉर्च्यून जायंट्स संघाकडून रोहित गुलियाने जबरदस्त कामगिरी करत एकूण 11 गुण मिळवले, तर स्वतःच्या करिअरमधील पहिला सुपर 10 मिळवला. याशिवाय सचिन तंवर आणि प्रवेश भैन्सवाल यांनी प्रत्येकी 6-6 गुण मिळवले.
यूपी योद्धा संघांचा कोणताच खेळाडू चांगली कामगिरी करु शकला नाही. यूपी योद्धाकडून सर्वात जास्त गुण (5) श्रीकांत जाधवने मिळवले. यूपीचा स्टार खेळाडू मोनू गोयत या सामन्यात विशेष कामगिरी करु शकला नाही.
या विजयासह गुजरात फॉर्च्यून जायंट्स 10 पॉईंट्स सह स्पर्धेत पहिल्या स्थानावर पोहचली आहे. तर यूपी योद्धा शेवटच्या म्हणजेच 12 व्या स्थानावर आहे.
(The above story first appeared on LatestLY on Jul 26, 2019 09:13 PM IST. For more news and updates on politics, world, sports, entertainment and lifestyle, log on to our website latestly.com).
