ज्वाला गुट्टा ने दक्षिण भारतीय अभिनेता विष्णू विशाल सह रिलेशनशिपचा केला स्वीकार, लग्नाविषयी केला 'हा' खुलासा
भारतीय बॅडमिंटनपटू ज्वाला गुट्टा आणि दक्षिण अभिनेता विष्णू विशालच्या नात्याबद्दल अनेक दिवसांपासून चर्चा सुरु होती. पण आता ज्वालाने स्वत: मुलाखतीत खुलासा केला आहे की ती अभिनेता विष्णू विशालसोबत रिलेशनशिपमध्ये आहे. ज्वाला म्हणाली आहे की तिच्या आणि विष्णू विशालमधील त्यांच्या नात्याविषयी काही लपवायचे नाही.
भारतीय बॅडमिंटनपटू ज्वाला गुट्टा (Jwala Gutta) आणि दक्षिण अभिनेता विष्णू विशालच्या (Vishnu Vishal) नात्याबद्दल अनेक दिवसांपासून चर्चा सुरु होती. पण आता ज्वालाने स्वत: मुलाखतीत खुलासा केला आहे की ती अभिनेता विष्णू विशालसोबत रिलेशनशिपमध्ये आहे. ज्वाला म्हणाली आहे की तिच्या आणि विष्णू विशालमधील त्यांच्या नात्याविषयी काही लपवायचे नाही. ज्वालाने तिच्या सोशल मीडिया अकाउंटवर अभिनेत्याबरोबरची अनेक फोटोज शेअर केली आहेत. मुलाखती दरम्यान स्टार बॅडमिंटनपटूने तिच्या लग्नाच्या योजनांविषयीही सांगितले. ज्वालाने एबीएन आंध्रज्योतीला दिलेल्या मुलाखतीदरम्यान लग्नाबद्दल देखील सांगितले की जेव्हा वेळ योग्य असेल तेव्हा ती आणि विष्णू अधिकृत घोषणा करतील. यापूर्वी ज्वालानेही व्हॅलेंटाईन डेनिमित्त विष्णू विशालबरोबर एक सुंदर फोटो शेअर केले होते. ज्वाला आणि विष्णू विशालचे सोशल मीडियावरील फोटो एफआयआर अभिनेत्याशी दोघांच्या निकटतेचा पुरावा आहे.
या नवीन जोडपं अनेकदा आपापल्या सोशल मीडियाद्वारे एकमेकांवर प्रेम व्यक्त करताना आढळतात. अलीकडेच ज्वालाने विष्णू विशालबरोबरचा फोटो शेअर केला आणि या क्वारंटाइनमुळे दोघांमध्ये असं अंतर आलंय ते सांगितले. जोडप्याच्या मागील नात्याविषयी बोलले तर ज्वाला आणि विष्णू दोघेही वैवाहिक जीवनात अपयशी ठरले होते. विष्णू विशालचे आधी रजनीशी लग्न झाले होते, आणि त्यांचा आर्यन नावाचा मुलगा आहे. दुसरीकडे, ज्वाला आणि सह बॅडमिंटनपटू चेतन आनंदने 2005 मध्ये लग्न केले, मात्र 2011 मध्ये दोघांनी काही कारणास्तव घटस्फोट घेतला.
विष्णू विशाल हा ‘रत्सासन’ नावाच्या मर्डर मिस्ट्रीमध्ये पोलिस अधिकारी म्हणून काम करण्यासाठी ओळखला जातो. विष्णूचा आगामी चित्रपट पाहण्याची चाहते आतुरतेने वाट पाहत आहेत. नानी स्टार 'जर्सी'च्या रिमेक असलेल्या चित्रपटात अभिनेता मुख्य भूमिकेत दिसणार आहे. या चित्रपटाचे दिग्दर्शन नेल्सन वेंकटेशन करणार आहेत.